Enter your Email Address to subscribe to our newsletters
धौलपुर-नगरम्, ०२ मे-मासः (हि.स.)। देशे वन-वन्यजीव-पर्यावरण-संरक्षणसम्बद्धानां न्यायालयीय-आदेशानां पालनस्य निरीक्षणाय उच्चतम-न्यायालयेन गठितायाः केन्द्रीय-अधिकार-सम्पन्न-समित्याः सदस्यः चन्द्रप्रकाश-गोयलः शुक्रवासरे धौलपुर-नगरं प्राप्तवान्।
स्वप्रवास-काले गोयलः कलक्ट्रेट-सभागारे जनपदस्य प्रशासनिक-आरक्षक-वरिष्ठ-अधिकारिभिः सह सभां कृतवान्। ततः परं सः चम्बल-नदी-क्षेत्रं गत्वा अवैध-सिकता-खननस्य स्थितिं स्थलीय-रूपेण निरीक्षितवान्।
अवैध-खनन-निष्कासन-तथा-भण्डारणसम्बद्ध-विभागीय-अधिकारिभिः सह आयोजितायां सभायां सः परिवहन-विभागं निर्देशितवान् यत् अवैध-खनने संलग्नानां वाहनानां ग्रहणं क्रियेत तथा तेषां वाहन-आरसी (RC) निलम्बनीया भवेत्।
ततः गोयलस्य नेतृत्वे सम्पूर्णं प्रशासनिक-दलं चम्बल-नदी-क्षेत्रं प्राप्तम्, यत्र मध्यप्रदेश-राज्यस्य सीमासमीपे अवैध-खननस्य स्थितिः अवलोकिता। तेन सह दलं स्टीमर-यानेन आगरा-मुम्बई-राष्ट्रीय-राजमार्गतः आरभ्य चम्बल-नद्याः तटीय-रेलवे-पुलपर्यन्तं निरीक्षणं कृत्वा सिकता-खननस्य तथा वन्यजीवेषु तस्य प्रभावस्य अध्ययनं कृतवान्।
प्रायः एक-होरापर्यन्तं चम्बल-क्षेत्रे निरीक्षणं कृत्वा सः ततः मध्यप्रदेशस्य मुरैना-नगरं प्रति प्रस्थितवान्।
अस्मिन् अवसरे जनपद-उपायुक्तः श्रीनिधिः बी.टी., जनपद-आरक्षक-अधीक्षकः विकास-सांगवानः, डीएफओ वी.चेतन-कुमारः, तथा जनपद-परिवहन-अधिकारी गौरव-यादवः इत्यादयः अधिकारिणः उपस्थिताः आसन्।
उल्लेखनीयम् अस्ति यत् धौलपुर-मुरैना-सीमाक्षेत्रे चम्बल-नद्याः अवैध-सिकता-खननं दीर्घकालात् प्रचलति, तथा खनन-लुण्ठक-समूहैः सह आरक्षक-दलस्य अपि बहुशः संघर्षाः अभवन्। कठोर-कार्यवाहीनां सत्त्वेऽपि अस्य गतिविधेः पूर्ण-नियन्त्रणं न जातम्।
अस्य विषयस्य सम्बन्धे ११ मे-मासे दिनाङ्के उच्चतम-न्यायालये श्रवणं भविष्यति। केन्द्रीय-अधिकार-सम्पन्न-समितेः एतत् दलं स्व-अवलोकन-विवरणं न्यायालये प्रस्तोष्यति।
हिन्दुस्थान समाचार / अंशु गुप्ता