पलामूनगरम्, २६ मे-मासः (हि.स.)। पलामू-जनपदे दण्डाधिकारिणा सह-उपायुक्तः दिलीप-प्रताप-सिंह-शेखावतः मङ्गलवासरे जनसेवायाः अपूर्वम् उदाहरणं प्रस्तूय स्वयंसेवक-रूपेण बालकान् मार्गगामिनः च शीतलं जलं पाययित्वा स्वच्छतायाः सन्देशं दत्तवान्।

उपायुक्तः अद्य मेदिनीनगरस्य षट्-चतुष्पथे (षट् मुहान) प्याऊ-उद्घाटनसमये उपस्थितः आसीत्। अस्मिन् अवसरे सः स्वहस्ताभ्यां जनान् पेयजलं प्रदाय जनसेवां प्रति स्वप्रतिबद्धतां प्रदर्शितवान्।

सः अस्मिन् अवसरे स्वच्छतायाः अपि विशेषं सन्देशं दत्तवान्। उपायुक्तः जनान् प्रति आह्वानं कृतवान् यत् जलपानानन्तरं उपयुक्तान् पात्रान् उद्घटनेन न क्षिपन्तु, अपि तु निर्धारित-स्थाने एव स्थापयन्तु, येन स्वच्छता रक्षिता भवेत् पर्यावरणं च सुरक्षितं तिष्ठेत्।

उपायुक्तः उक्तवान् यत् समाजस्य प्रत्येकं सक्षमः जनः स्वयंसेवक-भावेन जनसेवायां संलग्नः भवेत्। सः इदम् अपि अवदत् यत् मानव-सेवा एव सर्वोत्तमा सेवा अस्ति, तथा एतादृशानि कार्याणि समाजे सकारात्मक-परिवर्तनं जनयन्ति।

सः सर्वान् नागरिकान् अपि आह्वानं कृतवान् यत् एतादृशेषु जनहित-कार्येषु सक्रिय-सहभागितां कुर्वन्तु, येन समाजे सहयोग-सेवा-स्वच्छता-भावना अधिका सुदृढा भवेत्।

Hindusthan Samachar / Divya Ranjan