Enter your Email Address to subscribe to our newsletters
गोरखपुरनगरम्, २६ मे-मासः (हि.स.)। मदनमोहन-मालवीय-प्रौद्योगिकी-विश्वविद्यालयः (एमएमएमयूटी) इत्यस्य छात्राः छात्र्यश्च मङ्गलवासरे स्वैच्छिक-रक्तदानं कृत्वा यूनां कृते प्रेरणादायकं उदाहरणं प्रस्तुतवन्तः।
सोशल-इंटर्नशिप-२०२६ इत्यस्य अन्तर्गतं गुरुकृपा-संस्थायाः माध्यमेन सञ्चालिते सामाजिक-प्रशिक्षण-कार्यक्रमे विद्यार्थिनः समाजं प्रति स्वकर्तव्यैः योजयितुं प्रयासः क्रियते। अस्यां श्रृङ्खलायां बी.टेक., बी.बी.ए. तथा बी.फार्मा प्रथम-वर्षस्य २०२६ छात्राः गोरखपुर-चैरिटेबल-रक्त-बैङ्क-इत्यत्र आयोजिते रक्तदान-शिविरे उत्साहपूर्वकं भागं गृहीत्वा आवश्यक-रोगिणां कृते रक्तदानं कृतवन्तः।
युवानां एषा सकारात्मक-प्रवृत्तिः समाजे रक्तदान-विषये जागरूकतायाः सन्देशं प्रसारितवती। शिविरे विद्यार्थिषु सेवा, सहयोगः, संवेदना तथा मानवता इत्येते भावाः स्पष्टतया दृष्टाः। कार्यक्रमे छात्रैः उक्तं यत् रक्तदानात् श्रेष्ठं दानं नास्ति, यतः तत् आवश्यक-जनाय जीवनदानं भवति।
कार्यक्रम-समन्वयकः बृजेश-राम-त्रिपाठी उक्तवान् यत् शिक्षया सह यूनां सामाजिक-उत्तरदायित्व-भावनायाः विकासः अत्यन्तम् आवश्यकः। सः अवदत् यत् यदि युवा-वंश: समाज-सेवायां संलग्ना भवेत् तर्हि राष्ट्रं समाजः च उभौ सुदृढौ भविष्यतः।
अस्मिन् अवसरे गोरखपुर-चैरिटेबल-रक्त-बैङ्क-इत्यस्य निर्देशकः अरविन्द-कुमारः, चिकित्साधिकारी डॉ.ए.के.श्रीवास्तवः, महेन्द्रनाथ-त्रिपाठी, परवेज आलम, आँचल निगम, नेहा, पूजा, काजल इत्यादयः विशेष-सहयोगं कृतवन्तः। सर्वैः विद्यार्थिनः उत्साहवर्धनं कृत्वा रक्तदानं मानवतायाः महत्तमं सेवाकार्यम् इति उक्तम्।
रक्तदानं कृतवन्तः छात्रेषु दिशा सिंहः, अंकुर गुप्तः, अध्ययन मोदनवालः, रोशनकुमारसिंहः, रौनकप्रजापतिः, सुनैनकुमारसिंहः, यशराजसिंहः, अमितकुमारयादवः, आदित्यपाण्डेयः, हरिओमप्रजापतिः, प्रिन्सकुमारगौतमः, आदर्शधर: द्विवेदी, प्रज्ज्वल त्रिपाठी, अमनयादवः, योगेशपाण्डेयः, दिव्यांशु कसौधानः, आर्यशसिंहविशेनः इत्यादयः प्रमुखाः आसन्।
कार्यक्रमस्य अन्ते सर्वे रक्तदातारः समाजसेवायाः अस्य पुण्यकार्यस्य कृते प्रशंसिताः। विद्यार्थिनां एषा पहलः समाजे सेवा-मानवता-विषये नवचेतनां जागरयति इति मन्यते।
Hindusthan Samachar / Divya Ranjan