नव दिल्ली, 26 मईमासः (हि.स.)।

केन्द्रे नरेन्द्रमोदीसर्वकारस्य १२ वर्षाणि पूर्णानि अभवन् इति प्रसङ्गे देशस्य सर्वेषां नेतृभिः तस्मै अभिनन्दनानि शुभकामनाश्च प्रदत्तानि। नेतारः एतानि १२ वर्षाणि राष्ट्रसेवा, सुशासनम्, आत्मनिर्भरता, दरिद्रकल्याणम् तथा भारतस्य वैश्विकप्रतिष्ठायाः नवीनोच्चतां प्रति नयनकालः इति अवदन्। ते प्रधानमन्त्रिणो मोदिनो नेतृत्वे देशस्य निरन्तरं प्रगतिपथे अग्रे गमनस्य कामनाम् अकुर्वन्।

केन्द्रीयविधि-न्यायराज्यमन्त्री (स्वतन्त्रप्रभारः) अर्जुनराममेघवालः अवदत् यत् २६ मई २०१४ तमे दिने नरेन्द्रमोदी प्रधानमन्त्रीपदस्य शपथं स्वीकृत्य राष्ट्रसेवायाः जनकल्याणस्य च नूतनयुगस्य आरम्भं कृतवान्। तेन उक्तं यत् प्रधानमन्त्रिणः दूरदर्शिनः नेतृत्वे भारतेन विकासः, डिजिटलक्रान्तिः, आधारभूतसंरचना, आत्मनिर्भरता तथा वैश्विकप्रतिष्ठाक्षेत्रे अभूतपूर्वाः उपलब्धयः प्राप्ताः।

हरियाणाप्रदेशस्य मुख्यमन्त्री नायबसिंहसैनी नरेन्द्रमोदीसरकारस्य ऐतिहासिकगौरवपूर्णानां १२ वर्षाणां पूर्णतायाः अभिनन्दनं कृत्वा अवदत् यत् तस्य नेतृत्वे भारतं विकासस्य, आत्मविश्वासस्य तथा आत्मनिर्भरतायाः नवीनशिखराणि प्राप्तवान्। तेन उक्तं यत् प्रधानमन्त्रीआवासयोजना, जनधनयोजना, आयुष्मानभारतयोजना, उज्ज्वलायोजना तथा पीएमस्वनिधियोजना इत्यादिभिः योजनाभिः कोटिशः जनानां जीवने सकारात्मकपरिवर्तनम् आगतम्।

मध्यप्रदेशस्य मुख्यमन्त्री मोहनयादवः प्रधानमन्त्री मोदीं १४० कोटि देशवासिनां आशानां प्रतीकम् इति उक्त्वा अवदत् यत् गत १२ वर्षेषु भारतेन आत्मनिर्भरता, सुरक्षा, सांस्कृतिकगौरवम् तथा डिजिटलक्रान्तेः नूतनाः आयामाः स्थापिताः। तेन उक्तं यत् भारतम् अद्य वैश्विकमञ्चे निर्णायकनेतृत्वं करोति।

दिल्लीप्रदेशस्य मुख्यमन्त्री रेखागुप्ता अवदत् यत् प्रधानमन्त्री मोदीस्य नेतृत्वे देशेन राष्ट्रप्रथमभावनया सह सेवा, सुशासनम् तथा जनविश्वासस्य नूतना कार्यसंस्कृतिः स्वीकृता। स्वच्छभारतअभियानम्, हरघरजलयोजना, डिजिटलइण्डिया तथा महिलासशक्तीकरणस्य योजनाभिः देशाय नूतना दिशा प्रदत्ता।

दिल्लीप्रदेशस्य मन्त्रिमण्डलमन्त्री मनजिन्दरसिंहसिरसा अवदत् यत् मोदीस्य नेतृत्वे भारतेन सङ्कल्पात् सिद्धिपर्यन्तं गौरवपूर्णा यात्रा कृता। तेन उक्तं यत् उज्ज्वलायोजना, जनधनयोजना, आयुष्मानभारतयोजना तथा पीएमआवासयोजना इत्यादिभिः योजनाभिः अन्तिमजनपर्यन्तं विकासः प्रापितः।

भाजपादलस्य दिल्लीप्रदेशाध्यक्षः वीरेन्द्रसचदेवः मोदीसर्वकारस्य १२ वर्षाणि नूतनभारतस्य निर्माणस्य स्वर्णिमकालः इति अवदत्। तेन उक्तं यत् मोदीस्य नेतृत्वे भारतेन विकासः, आत्मनिर्भरता, डिजिटलक्रान्तिः तथा वैश्विकपहचानक्षेत्रे ऐतिहासिकाः उपलब्धयः प्राप्ताः।

भाजपासांसदः कमलजीतसहरावतः अवदत् यत् २६ मई २०१४ भारतीयराजनीतेः राष्ट्रनिर्माणस्य च इतिहासे महत्त्वपूर्णः दिवसः अस्ति। प्रधानमन्त्रिणो मोदिनो नेतृत्वे भारतेन आधारभूतसंरचना, डिजिटलइण्डिया, दरिद्रकल्याणम् तथा वैश्विककूटनीतिक्षेत्रे नूतना सफलताः प्राप्ताः।

उल्लेखनीयं यत् वर्षे २०१४ तमे वर्षे २६ मई तमे दिने नरेन्द्रमोदी देशस्य प्रधानमन्त्रीरूपेण प्रथमवारं शपथवचनं स्वीकृतवान्।

-------------

Hindusthan Samachar / Dheeraj Maithani