राजगढनगरम्, २६ मे-मासः (हि.स.)। मध्यप्रदेशस्य राजगढ-जनपदे ब्यावरा-नगरे स्थिते शिवधाम-आवासीय-क्षेत्रे मङ्गलवासरे भव्य-शोभायात्रया सह सप्तदिवसीय-श्रीमद्भागवत-कथायाः शुभारम्भः अभवत्। कथायाः वाचनम् आचार्यः प्रमोदः नागरः कुर्वन् अस्ति। प्रातःकालादेव क्षेत्रे धार्मिक-उत्साहस्य वातावरणं दृश्यते स्म।

शोभायात्रायाः प्रारम्भः प्रातः अष्टवादने इन्दिरानगर-राजगढ-बायपास-चतुष्पथ-स्थिते मनकामेश्वर-माता-मन्दिरे अभवत्, यत्र बहुसंख्याः श्रद्धालवः एकत्रिताः अभवन्। वाद्यैः तथा भक्ति-संगीतस्य ध्वनिभिः सह शोभायात्रा शिवधाम-कालोनी-स्थिते कथा-स्थले प्राप्तवती। शोभायात्रायां महिलाः रक्त-वस्त्राणि धारयित्वा शिरसि कलशं धृतवत्यः, पुरुषाः श्वेत-कंचुक-पादयाम-परिधानं कृत्वा सम्मिलिताः अभवन्। बालकाः वृद्धाश्च अपि उत्साहपूर्वकं सहभागित्वं कृतवन्तः।

कथायाः संगीतमय-वाचनं २६ मे-मासतः १ जून-मासपर्यन्तं प्रतिदिनं रात्रौ अष्टवादनतः एकादशवादनपर्यन्तं भविष्यति। आयोजकैः उक्तं यत् कथायाः माध्यमेन सनातन-धर्मस्य आदर्शाः, संस्काराः तथा जीवन-मूल्यानां महत्त्वं श्रद्धालुभ्यः बोधयिष्यते। १ जून-मासे पूर्णाहुति-समाप्तिः तथा महाप्रसाद-वितरणेन सह श्रीमद्भागवत-कथायाः समापनं भविष्यति। शिवधाम-कालोनी-समित्या समस्त-क्षेत्रवासिनः अधिकाधिक-सङ्ख्यया आगत्य कथा-श्रवणेन पुण्य-लाभं ग्रहीतुम् आह्वानं कृतम्।

Hindusthan Samachar / Divya Ranjan