Enter your Email Address to subscribe to our newsletters
- जन-सेवया सह पर्यावरण संरक्षणस्य संदेशः
लखनऊ, 03 मईमासः (हि.स.)।उत्तर प्रदेश-राज्यस्य समाजकल्याणविभागस्य राज्य मन्त्री (स्वतन्त्रप्रभारः) असीम अरुणः ‘बड़े मंगल’ इत्यस्य पावनावसरे समस्तेषां प्रदेशवासिनां तथा भण्डार-आयोजकानां प्रति विशेषां प्रार्थनाम् अकरोत्।
तेन आह्वानं कृतम् यत् अस्मिन् वर्षे हनुमान-सेवायाः एषः महोत्सवः केवलं श्रद्धायाः उल्लासस्य च प्रतीकं न भवेत्, अपि तु ‘स्वच्छता-पर्यावरणसंरक्षणयोः’ अपि उत्कृष्टं उदाहरणं प्रदर्शयेत्।
मन्त्रिणा उक्तं यत् सेवा तथा स्वच्छता एकस्यैव मुद्रायाः द्वे पक्षे स्तः। यदा वयं बजरंगबली-भक्तानां सेवां कुर्मः, तदा अस्माकं कर्तव्यं भवति यत् वयं पृथ्वीमातरं न प्रदूषयेम। तेन आग्रहः कृतः यत् भण्डारेषु प्लास्टिक-थर्माकोलनिर्मितानां पात्राणां, चषकानां, चमसानां च उपयोगः पूर्णतया निरुद्धः भवेत्। तेषां स्थाने पत्रपात्राणि तथा कागज-निर्मितचषकानां उपयोगः क्रियते।
प्रत्येकस्मिन् भण्डारस्थले पर्याप्तसंख्यया कूड़ादानानि स्थापनीयानि, तथा एतत् सुनिश्चितं करणीयम् यत् भक्ताः अवशिष्टभोजनं यत्र-तत्र न क्षिपेयुः। आयोजकैः एषः संकल्पः कर्तव्यः यत् भण्डारसमाप्तेः अनन्तरं मार्गे किमपि मलिनत्वं न अवशिष्येत, अपि तु आयोजनस्थलं पूर्वात् अपि अधिकं स्वच्छं कृत्वा त्यज्येत्। पेयजलस्य वितरणम् अपि एवं क्रियेत यत् जलस्य अपव्ययः न भवेत्।
असीम अरुणः उक्तवान् यत् ‘बड़े मंगल’ इत्यस्य परम्परा लखनऊ-नगरस्य विशिष्टा ‘गङ्गा-जमुनी-तहजीब’ तथा सेवाभावस्य अद्भुतं संगमं दर्शयति। मम सर्वेषां आयोजकानां प्रति विनीतः निवेदनम् अस्ति यत् अस्मिन् वर्षे वयं ‘प्लास्टिक-मुक्त-बड़े मंगल’ इति उत्सवं आचरामः।
भवतः लघ्वी अपि आरंभिका स्वस्य नगरस्य स्वच्छतां रक्षितुं पर्यावरणसंरक्षणाय च महान् योगदानं दास्यति। आगच्छामः—भक्त्या सह स्वनागरिककर्तव्यं अपि निर्वहामः।
---------------
हिन्दुस्थान समाचार