Enter your Email Address to subscribe to our newsletters
किंग्स्टनम्, 03 मईमासः (हि.स.)।भारतीयविदेशमन्त्री एस जयशंकर स्वस्य प्रथमाधिकारिकयात्रायां जमैकादेशस्य राजधानीं किंग्स्टन प्राप्तवान्, यत्र तस्य हार्दिकं स्वागतं कृतम्। अस्मिन् अवसरि सः जमैकादेशस्य विदेशमन्त्रिण्याः कामिना जॉनसन स्मिथ प्रति कृतज्ञतां व्यक्तवान्।
डॉ. जयशंकरः सामाजिकमाध्यममञ्चे एक्स उक्तवान् यत् सः जमैकायाः स्वप्रथमयात्रायां प्राप्तेन स्वागतसत्कारः अत्यन्तं प्रभावितः अस्ति। आगामिद्वयदिनयोः सः जमैकादेशस्य शीर्षनेतृत्वेन, व्यापारसमुदायेन तथा भारतीयमूलजनैः सह संवादं करिष्यति।
किंग्स्टननगरस्य तस्य आगमने भारतीयमूलजनाः बालकाः च विशेषतया तस्य अभिनन्दनं कृतवन्तः।
उल्लेखनीयम् अस्ति यत् एषा विदेशमन्त्रिणः द्विदिवसीया यात्रा अस्ति, यस्यां सः जमैकादेशस्य वरिष्ठनेतृभिः, व्यापारप्रतिनिधिभिः तथा भारतीयसमुदायेन सह मिलिष्यति।
विदेशमन्त्रालयस्य अनुसारम् एषा यात्रा व्यापकस्य कैरेबियाईदौरस्य अंशः अस्ति। डॉ. जयशंकरः जमैकातिरिक्तं सूरीनाम तथा त्रिनिदाद और टोबैगो इत्येतयोः अपि आधिकारिकयात्रां करिष्यति। एषः दौरा १० मे पर्यन्तं प्रवर्तिष्यते।
अस्य कालावधौ विदेशमन्त्री त्रयाणां देशानां विदेशमन्त्रिभिः सह मिलिष्यति। एतेषु सम्मेलनेषु द्विपक्षीयसम्बन्धानां सर्वे पक्षाः, तथा च पारस्परिकहितस्य क्षेत्रीयवैश्विकविषयाः अपि चर्चायां भविष्यन्ति।
---------------
हिन्दुस्थान समाचार