Enter your Email Address to subscribe to our newsletters
सीवानम्, 03 मईमासः (हि.स.)।
महावीरी सरस्वती शिशु मंदिर-स्थितेन कृष्णचंद्र गांधी मीडिया सेंटर इत्यनेन माध्यमकेन्द्रेण माध्यमजगतः आद्यपत्रकारस्य देवर्षि नारद-महाभागस्य जयन्त्याः अवसरः प्रति एकः विचारगोष्ठीकार्यक्रमः आयोजितः।
अस्मिन् कार्यक्रमे शिक्षाविदः, समाजसेवकाः, पत्रकाराश्च बहुसंख्यया उपस्थिताः आसन्। अस्मिन्नवसरे विद्या भारती इत्यस्य विभागनिरीक्षकः अनिलकुमाररामः अवदत् यत् देशभक्तेः तथा भारतीयसंस्कृतेः मूल्यानां सुदृढीकरणे माध्यमानां महत्त्वपूर्णा भूमिका अस्ति। सः उक्तवान् यत् संवादस्य सञ्चारस्य च शक्तिः एव समाजस्य संयोजनस्य सर्वाधिकं प्रभावी साधनम् अस्ति। देवर्षि नारद सृष्टेः आद्यसंवाददाता इति निर्दिश्य सः अवदत् यत् तेषां संवादेषु समाजस्य जनकल्याणस्य च भावना निहिता आसीत्।
कार्यक्रमे प्रो रविन्द्रनाथपाठकः अन्ये च वक्तारः आधुनिकपत्रकारितायाः विषये स्वविचारान् प्रस्तुतवन्तः। ते अवदन् यत् यद्यपि तन्त्रज्ञानस्य विकासेन पत्रकारितायाः गतिः तीव्रा जाता, तथापि तस्याः मूलोद्देश्यः अद्यापि समाजस्य संयोजनं यथार्थसूचनाप्रदानं च एव अस्ति। अधुना सूचनानाम् आदानप्रदानं निमेषेषु एव सम्भवति, येन समाजे जागरूकता वर्धिता अस्ति।
प्रो. पाठकः अवदत् यत् समाजे वर्धमानेषु आक्रामकप्रवृत्तिषु संवादः, धैर्यं, सहनशीलता च अतीव आवश्यकाः। तस्य मतम् आसीत् यत् कस्यचित् व्यक्तेः समुदायस्य वा विकासस्य प्रमुखाधारः संवादः एव अस्ति। यदि मनुष्यः स्वव्यवहारे संयमं धैर्यं च आचरति, तर्हि सः समाजहिताय सकारात्मकं योगदानं दातुं शक्नोति।
वक्तारः प्राचीनभारतीयपरम्परायाः ऋषीणां मुनीनां शिक्षाणां च उल्लेखं कृत्वा अवदन् यत् सर्वेषां जीविनां कल्याणभावना अस्माकं संस्कृतेः मूलात्मा अस्ति। भगवान बुद्ध-जीवनप्रसङ्गेषु अपि करुणा, त्यागः, संवादस्य महत्त्वं च स्पष्टतया दृश्यते।
कार्यक्रमे एतदपि उक्तं यत् शिक्षायाः माध्यमानां च गाढः सम्बन्धः अस्ति। समाचारपत्रैः, सामाजिकमाध्यमैः अन्यैः साधनैः च छात्राः ज्ञानं अर्जयन्ति, प्रतिस्पर्धापरीक्षासु च सफलतां प्राप्नुवन्ति। वक्तारः अपीलं कृतवन्तः यत् विकासस्य स्पर्धायां भारतीयसंस्कृतिः परम्पराश्च न परित्याज्याः, अपि तु व्यापकस्तरे प्रोत्साहनीयाः।
अस्मिन्नवसरे ओमप्रकाशमिश्रः, नीरजपाठकः, जादूगरविजयः, इन्दलकुमारसिंहः, मिथिलेशकुमारसिंहः, अमरनाथशर्मा, प्रो अवधेशशर्मा, नवीनसिंहपरमारः, सचिनपर्वतः, अखिलेशकुमारश्रीवास्तवः, कमलेशनारायणसिंहः इत्यादयः अन्ये च गणमान्याः जनाः उपस्थिताः आसन्।
---------------
हिन्दुस्थान समाचार