Enter your Email Address to subscribe to our newsletters
मीरजापुर-जनपदम्, ०३ मईमास: (हि.स.)। उत्तरप्रदेशस्य मीरजापुर-जनपदस्य यूनः पुनरपि स्वप्रतिभायाः सामर्थ्यं प्रदर्शयन्तः युवा-संसदे मीरजापुरस्य स्वरं प्रबलतया उद्घोषितवन्तः। जी.डी. बिनानी पीजी-महाविद्यालये आयोजिते जनपद-स्तरीये ‘विकसित-भारत-युवा-संसद् २०२६’ कार्यक्रमे चयनितेषु पञ्चसु प्रतिभागिषु त्रयः यूनः लखनऊ-नगरस्य विधानसभायां आयोजिते राज्य-स्तरीये कार्यक्रमे उत्कृष्टं प्रदर्शनं कृतवन्तः।
आन्या-कशेरा, संगीता-यादव: तथा आदित्य-तिवारी इति यूनः १ तः ३ मई पर्यन्तं प्रवर्तमाने कार्यक्रमे भागं गृहीत्वा २ मई-दिने विधानसभायां ‘संघीय-वित्तविवरणं २०२६’ तथा ‘विकसित-भारत २०४७’ इत्यस्य विषययोः स्वविचारान् प्रभावी-रीत्या प्रस्तुतवन्तः। यूनः वित्तविवरणं नवाचाराय, स्टार्टअप-उद्यमानां संवर्धनाय तथा युवा-सशक्तिकरणाय अत्यन्तं महत्त्वपूर्णम् इति अभिव्यक्तवन्तः।
एते प्रतिभागिनः न केवलं स्वविचारान् दृढतया प्रस्तुतवन्तः, अपि तु मीरजापुरस्य नाम अपि उज्ज्वलितवन्तः। तेषां अस्य उपलब्धेः कारणात् महाविद्यालये हर्षोल्लासस्य वातावरणं वर्तते।
प्राचार्यः प्रो.अशोक-कुमार-सिंह: इत्यनेन सह अन्ये शिक्षकाः अधिकारिणश्च रविवासरे एतान् त्रयः यूनः अभिनन्द्य तेषां उज्ज्वल-भविष्यस्य कामनां कृतवन्तः।
हिन्दुस्थान समाचार / अंशु गुप्ता