निर्देशकस्य अनुराग कश्यप आगामी-चलच्चित्रं “बन्दर” इत्यस्य विषये चर्चा तीव्रा जाता। बॉबी देओल अस्मिन् चलच्चित्रे पूर्णतया नूतनेन तीव्र-अवतारेण दृश्यते। निखिल द्विवेदी इत्यनेन निर्मितं एतत् चलच्चित्रं दर्शकानां कृते भिन्नं प्रभावशाली च सिनेमानुभवं दातुम् अभिप्रेतम् अस्ति।

स्वकीय-पात्रस्य विषये वदन् बॉबी देओल उक्तवान् यत् अभिनेतृरूपेण प्रत्येकः जनः स्वस्य स्थापित-छविं त्यक्तुं इच्छति, किन्तु तत् सुकरं न भवति। तेन स्वीकृतं यत् “बन्दर” तस्य कृते चुनौतीपूर्ण-परियोजना आसीत्, यस्मिन् सः स्वसंकोचं त्यक्त्वा पूर्णतया नूतनेन रूपेण कार्यं कृतवान्।

चलच्चित्रस्य कथा-लेखनयोः अपि विशेषतया ध्यानं दत्तम् अस्ति। एतत् सुदीप शर्मा तथा अभिषेक बनर्जी इत्याभ्यां लिखितम्, ये पाताल लोक तथा कोहरा इत्यादि प्रसिद्ध-प्रकल्पानां कृते प्रसिद्धौ स्तः। चलच्चित्राय जी स्टूडियो इत्यस्य समर्थनम् अपि प्राप्तम्।

“बन्दर” इत्यस्य कलाकार-सूची अपि अतीव सुदृढा अस्ति। अस्मिन् सान्या मल्होत्रा, राज बी शेट्टी, जितेंद्र जोशी, सबा आजाद तथा रिद्धि सेन इत्यादयः बहवः कलाकाराः महत्वपूर्णेषु भूमिकासु दृश्यन्ते।

सशक्त-समूहस्य तथा भिन्न-कथायाः सह एतत् चलच्चित्रं २०२६ वर्षस्य बहुप्रतीक्षित-प्रदर्शनेषु अन्तर्भूतम् इति मन्यते।

हिन्दुस्थान समाचार