Enter your Email Address to subscribe to our newsletters
नवदिल्ली, 09 मईमासः (हि.स.)।
अनीश भानवाला इत्यस्य उत्कृष्टप्रदर्शनेन अत्र डॉ. कर्णी सिंह शूटिंग रेंज इत्यत्र आयोजितायां २४तमायां कुमारसुरेन्द्रसिंहस्मारक-निशानेबाजी-प्रतियोगितायां २५ मीटर-रैपिड-फायर-पिस्टल-पुरुषस्पर्धायाः स्वर्णपदकं तेन स्वकीकृतम्। रेलवेदलस्य प्रतिनिधित्वं कुर्वन् अनीशः अन्तिमचक्रे ३१ अङ्कान् प्राप्य प्रथमस्थानं प्राप्तवान्।
मध्यप्रदेशस्य सूरजशर्मा २८ अङ्कैः रजतपदकं जितवान्, पंजाबस्य विजयवीरसिद्धुः च शूट-ऑफ-पश्चात् २५ अङ्कैः कांस्यपदकं प्राप्तवान्। उत्तराखण्डस्य अंकुरगोयलः २० अङ्कैः चतुर्थस्थानं प्राप्तवान्।
राजस्थानस्य भावेशशेखावतः १७ अङ्कैः पञ्चमस्थानं, नौसेनायाः ओंकारसिंहः ११ अङ्कैः षष्ठस्थानं, हरियाणायाः गौरवगुप्तः ७ अङ्कैः सप्तमस्थानं, देहल्याः हर्षगुप्तः ६ अङ्कैः अष्टमस्थानं च प्राप्तवन्तः।
क्वालिफिकेशन-चक्रे अंकुरगोयलः ५८३-२३x इति स्कोरेण प्रथमस्थानं प्राप्तवान्। सूरजशर्मा अपि ५८३ अङ्कान् प्राप्तवान्, किन्तु न्यून-इनर-१०-कारणात् द्वितीयस्थानं प्राप्तवान्। अनीशभानवालः ५८२ अङ्कैः तृतीयस्थानं प्राप्तवान्।
जूनियर-पुरुषवर्गे सूरजशर्मणः प्रभुत्वम्
२५ मीटर-रैपिड-फायर-पिस्टल-जूनियर-पुरुषवर्गे मध्यप्रदेशस्य सूरजशर्मा २८ अङ्कैः स्वर्णपदकं जितवान्। हरियाणायाः समीरगुलिया २७ अङ्कैः रजतपदकं प्राप्तवान्, चण्डीगढस्य यूनिशहोलिन्दरः २० अङ्कैः कांस्यपदकं स्वकीकृतवान्।
राजस्थानस्य अभिनवचौधरी चतुर्थस्थानं, पश्चिमबङ्गस्य साग्निकबनर्जी पञ्चमस्थानं, आन्ध्रप्रदेशस्य मुकेशनेलावल्ली षष्ठस्थानं, बीएसएफ-दलस्य चन्द्रराजः सप्तमस्थानं, देहल्याः आदित्यवर्मा अष्टमस्थानं च प्राप्तवन्तः।
दलस्पर्धायाम् आर्मी-मार्क्समैनशिप-यूनिट् अग्रणी
२५ मीटर-रैपिड-फायर-पिस्टल-पुरुष-दलस्पर्धायाम् आर्मी-मार्क्समैनशिप-यूनिट्-दलम् १७१९-४९x इति अंकैः स्वर्णपदकं जितवत्। हरियाणादलम् अपि १७१९ अङ्कान् प्राप्तवत्, किन्तु न्यून-इनर-१०-कारणात् रजतपदकेन सन्तोषं कृतवत्। नौसेनादलं कांस्यपदकं प्राप्तवत्।
५० मीटर-पिस्टल-स्पर्धासु अपि तीव्रस्पर्धा
५० मीटर-पिस्टल-पुरुषवर्गे हरियाणायाः कपिलभैंसला ५५९-१२x इति अंकैः स्वर्णपदकं जितवान्। आर्मी-दलस्य रविन्द्रसिंहः रजतपदकं, रेलवेदलस्य सौरभचौधरी कांस्यपदकं च प्राप्तवन्तौ।
महिलावर्गे हरियाणायाः केतनमलिक, गुजरातस्य वैभवीत्रिवेदी, देहल्याः परिषागुप्ता च सर्वाः ५४०-६x इति समानस्कोरं प्राप्तवत्यः। उत्कृष्टप्रदर्शनस्य आधारेण केतनमलिकायै स्वर्णपदकं प्रदत्तम्।
५० मीटर-पिस्टल-महिला-दलस्पर्धायाम् आर्मी-मार्क्समैनशिप-यूनिट् स्वर्णपदकं, देहली रजतपदकं, राजस्थानं कांस्यपदकं च प्राप्तवन्ति।
आईपीसी तथा मास्टर-वर्गेषु अपि उत्कृष्टप्रदर्शनम्
५० मीटर-पिस्टल-आईपीसी-मिश्रित-(एसएच१)-सीनियरवर्गे देहल्याः भक्तिशर्मा स्वर्णपदकं जितवती। राजस्थानस्य सारिकाअंदाना द्वितीयस्थानं, हरियाणायाः संदीपकुमारः तृतीयस्थानं च प्राप्तवन्तौ।
मास्टर-वर्गे अपि अनेकैः अनुभवी-निशानेबाजैः प्रभावशालि-प्रदर्शनं कृतम्। पुरुषवर्गे चण्डीगढस्य बाबूरामः, महिलावर्गे च चण्डीगढस्य सुमनः स्वर्णपदकं स्वकीकृतवन्तौ।
---------------
हिन्दुस्थान समाचार