Enter your Email Address to subscribe to our newsletters
जोधपुरम्, 18 जूनमासः (हि.स.)। डॉ सर्वपल्ली राधाकृष्णन राजस्थान आयुर्वेदविश्वविद्यालये कुलगुरुणा प्रोफेसर वैद्य गोविन्द सहाय शुक्ल महोदयेन अध्यक्षतायां विद्यापरिषदः उपवेशनम्आयोजितम्। तत्र विश्वविद्यालयस्य शैक्षणिकानुसन्धानसम्बद्धताप्रशासनिककार्यैः सम्बद्धेषु विविधेषु महत्त्वपूर्णेषु कार्यसूचीबिन्दुषु विचारविमर्शः कृत्वा आवश्यकानुमोदनानि प्रदत्तानि।
उपवेशने २०२६ २७ शैक्षणिकसत्रस्य कृते विश्वविद्यालयेन सम्बद्धानाम् आयुर्वेद यूनानी होम्योपैथी योग बीएससी नर्सिङ्ग आयुर्वेद तथा बीएनवाईएस महाविद्यालयानां सम्बद्धता निरीक्षणप्रक्रिया तथा नवीनमहाविद्यालयानां स्थापनायै सम्बद्धतायै च निर्धारितानां आवेदनपत्राणां निरीक्षणप्रारूपाणां च अनुमोदनं कृतम्।
विद्यापरिषदा प्राकृतिकचिकित्सायोगविषये स्नातकोत्तरपाठ्यक्रमस्य प्रारम्भार्थम् आवश्यकन्यूनतममानकानां मानदण्डानां च तथा विविधविषयाणां स्नातकोत्तरपाठ्यक्रमाणाम् अनुमोदनविषये चर्चा कृता। एतदतिरिक्तं अर्धजालाधारितस्नातकोत्तरप्रमाणपत्रपाठ्यक्रमः नाडीपरीक्षणप्रमाणपत्रपाठ्यक्रमः तथा उद्यमपरकचिकित्सैककस्य अन्तर्गतं सञ्चाल्यमानानां विविधप्रमाणपत्रपाठ्यक्रमाणां सञ्चालनसम्बद्धाः प्रस्तावाः अपि अनुमोदिताः।
तत्र यूनिवर्सिटी कॉलेज ऑफ होम्योपैथी इत्यस्मात् प्राप्तानां प्रस्तावानां विश्वविद्यालयस्य गोपनीयपरीक्षाशाखासम्बद्धविषयाणां तथा विश्वविद्यालयस्य शैक्षणिकसंकायसदस्यानां राष्ट्रियस्तरीयान्ताराष्ट्रियस्तरीयसंगोष्ठीषु कार्यशालासु प्रशिक्षणकार्यक्रमेषु शोधपरियोजनासु च सहभागितार्थम् अनुमतिसम्बद्धप्रस्तावानां विषये अपि विचारविमर्शः कृतः।
उपवेशने वित्तनियन्त्रकः कार्यवाहककुलसचिवः अतुलबल रत्नू डीन आयुर्वेदसंकायः प्रो महेन्द्र कुमार शर्मा डीन होम्योपैथी प्रोफेसर जयराम चौधरी डीन यूनानी प्रोफेसर आजम अंसारी प्रो शिवकुमार भारद्वाजः संजीवनी आयुर्वेदचिकित्सालयस्य अधीक्षिका प्रो ए नीलिमा रेड्डी अध्ययनमण्डलाध्यक्षः प्रो गोविन्द प्रसाद गुप्त मदनमोहनमालवीय आयुर्वेदमहाविद्यालयस्य प्रो किशोरी लाल शर्मा राष्ट्रिय आयुर्वेदसंस्थान जयपुरस्य प्रोफेसर महेन्द्र प्रजापति उपकुलसचिवः डॉ मनोज कुमार अदलखा पञ्चकर्मविभागाध्यक्षः डॉ ज्ञानप्रकाश तथा अन्ये उपस्थिताः आसन्।
Hindusthan Samachar / Dheeraj Maithani