Enter your Email Address to subscribe to our newsletters
औरैया, 18 जूनमासः (हि. स.)।
अखिलविश्वगायत्रीपरिवारेण राष्ट्रियस्तरे सञ्चाल्यमाना अखण्डज्योतिकलशयात्रा एकविंशतितमे जूनमासे उत्तरप्रदेशस्य औरैयाजनपदे अजीतमलनगरे आगमिष्यति। एषा यात्रा अस्मिन् वर्षे वसन्तपञ्चमीपर्वणि हरिद्वारतः प्रारब्धा आसीत् तथा च देशस्य विभिन्नप्रदेशान् परिभ्रम्य निर्धारितकार्यक्रमानुसारं नगरे आगमिष्यति।
गायत्रीपरिवारस्य संस्थापकस्य पण्डितश्रीरामशर्माचार्यस्य प्रेरणया सञ्चाल्यमाना एषा कलशयात्रा आचार्येण प्रज्वलितायाः अखण्डज्योतेः शतवर्षपूर्णतायाḥ तथा माता भगवतीदेवीशर्मायाः जन्मशताब्दीवर्षस्य उपलक्ष्ये आयोज्यते।
कार्यक्रमस्य विषये सूचनां दत्त्वा गायत्रीपरिवारस्य औरैयाजनपदस्य जनपदसमन्वयकः डा हरिबाबू गुप्तः उक्तवान् यत् एकविंशतितमे जूनमासे प्रातःकाले प्रायः अष्टवादने कलशयात्रा अजीतमलक्षेत्रे प्रवेक्ष्यति। तत्र गायत्रीपरिवारस्य सदस्यैः श्रद्धालुभिश्च ग्राम मौहारी समीपे राष्ट्रियराजमार्गस्थिते शुल्कसङ्ग्रहकेन्द्रे भव्यस्वागतं करिष्यते।
द्वाविंशतितमे जूनमासे प्रातःकाले यात्रा औरैयाक्षेत्रस्य कृते प्रस्थितिं करिष्यति।
--------------
Hindusthan Samachar / Dheeraj Maithani