नोएडा, 19 जूनमासः (हि.स.)।उत्तरप्रदेशस्य गौतमबुद्धनगरजनपदे मलकपुर क्रीडाङ्गणे कबड्डी क्रीडकानां कृते निर्मीयमाणस्य टीन शेड निर्माणकार्यं अधुना अन्तिमचरणं प्राप्तम् अस्ति। निर्माणकार्यस्य प्रायः ७० तः ८० प्रतिशतभागः सम्पन्नः जातः। अधिकारिणां मतानुसारम् आगामिनि एकस्मिन् मासे एषा सुविधा क्रीडकेभ्यः समर्पिता भविष्यति। ततः परं क्रीडकाः स्वक्रीडाङ्गणे स्थापितेषु मृदुपट्टेषु नियमितरूपेण अभ्यासं कर्तुं शक्नुवन्ति।

वर्तमानकाले जनपदस्य विभिन्नक्षेत्रेभ्यः प्रतिदिनं २५ तः ३० क्रीडकाः क्रीडाङ्गणे कबड्डी अभ्यासार्थम् आगच्छन्ति। अधुना यावत् क्रीडाङ्गणे कस्यापि प्रकारस्य आवरणस्य अभावात् क्रीडकैः ग्रीष्मवर्षाशीतकालेषु मुक्ताकाशे अभ्यासः कर्तव्यः आसीत्। प्रतिकूलमौसमे बहुवारं तेषां मल्लयुद्धसभागारे अभ्यासः कर्तव्यः भवति स्म येन उभयक्रीडयोः क्रियाकलापाः प्रभाविताः भवन्ति स्म।

जिला विकास क्रीडा प्रोत्साहन समितेः सहयोगेन कबड्डी क्रीडाङ्गणस्य उपरि दृढं टीन शेड स्थाप्यते। अस्य सम्पन्नतायाः अनन्तरं क्रीडकेभ्यः वर्षपर्यन्तं उत्तमे वातावरणे प्रशिक्षणस्य सुविधा प्राप्स्यते। कबड्डी प्रशिक्षकः सुमित कुमारः वदति यत् निरन्तरेण सुव्यवस्थितेन च अभ्यासेन क्रीडकानां प्रदर्शनं वर्धिष्यते तथा च ते जिला राज्य राष्ट्रियस्तरीयासु प्रतियोगितासु श्रेष्ठं प्रदर्शनं कर्तुं समर्थाः भविष्यन्ति।

क्रीडा विशेषज्ञाः वदन्ति यत् आधुनिकसुविधाभिः क्रीडकानाम् आत्मविश्वासः वर्धते। वर्षाकाले क्रीडाङ्गणस्य आर्द्रतया तथा ग्रीष्मकाले अत्यधिकतापमानस्य कारणेन अभ्यासः बाधितः भवति स्म किन्तु अधुना एषा समस्या बहुधा समाप्ता भविष्यति। अनेन जनपदे कबड्डी क्रीडायाः अपि नूतना पहचान प्राप्तुं आशा वर्तते।

जनपद गौतमबुद्धनगरस्य प्रभारी क्रीडा अधिकारी डॉ परवेज अली अवदत् यत् कबड्डी क्रीडकेभ्यः दीर्घकालात् एतस्याः सुविधायाः आवश्यकता आसीत्। त्रपुफलक- निर्माणकार्यस्य प्रायः ८० प्रतिशतभागः सम्पन्नः जातः तथा च आगामिनि एकस्मिन् मासे क्रीडकाः स्वक्रीडाङ्गणे नियमितरूपेण अभ्यासं कुर्वन्तः दृश्यन्ते।

---------------

Hindusthan Samachar / Dheeraj Maithani