Enter your Email Address to subscribe to our newsletters
पश्चिम मेदिनीपुरम्, 19 जूनमासः (हि. स.)।
आगामिनः अन्तरराष्ट्रीययोगदिवसस्य उपलक्ष्ये जनपदे सज्जताः तीव्रगतया प्रचलन्ति। जनपदप्रशासनेन निरन्तरं जागरूकताकार्यक्रमाः आयोज्यन्ते।
अस्मिन्नेव क्रमे शुक्रवासरे प्रातःकाले दासपुरद्वितीयप्रखण्डप्रशासनस्य पहलया प्रातः षड्वादनात् विशेषा योगजागरूकतापदयात्रा आयोजिता। अस्यां पदयात्रायां प्रशासनिकाधिकारिणः, विविधसंस्थानानां प्रतिनिधयः, स्थानीयजनाश्च सहभागित्वा योगस्य दैनिकजीवने स्वीकरणस्य सन्देशं प्रसारितवन्तः।
जनपदस्य बालीचकस्थस्य भजहरीउच्चविद्यालयस्य पहलया पञ्चकिलोमीटरपरिमिताया धावनप्रतियोगितायाः आयोजनं क्रियमाणम् अस्ति। प्रतिभागिनां प्रोत्साहनार्थं डेब्राप्रखण्डस्य विकासाधिकारी प्रियव्रतराडी शुक्रवासरे प्रातः षड्वादनात् क्रीडाक्षेत्रे उपस्थितः भूत्वा क्रीडकानां उत्साहवर्धनं करोति।
अस्मात् पूर्वं गुरुवासरे मेदिनीपुरपुलिसपङ्क्तिक्षेत्रे पश्चिममेदिनीपुरजनपदपुलिसविभागस्य पक्षतः विशेषयोगाभ्यासप्रशिक्षणशिविरस्य आयोजनम् अभवत्। यस्मिन् जनपदाधिकारी, जनपदपुलिसाधीक्षकः, अन्ये च वरिष्ठाधिकारिणः तथा विविधविद्यालयानां छात्राः छात्राश्च सहभागी अभवन्।
प्रशासनिकसूचनानुसारं जूनमासस्य एकविंशतितमे दिने अन्तरराष्ट्रीययोगदिवसस्य अवसरः मेदिनीपुरनगरस्य महाविद्यालयक्रीडाक्षेत्रे बृहत्प्रमाणे मुख्यकार्यक्रमस्य आयोजनं भविष्यति। अस्मिन् कार्यक्रमे प्रशासनस्य विविधविभागानां सदस्याः, पुलिसकर्मिणः, छात्राः छात्राश्च तथा सामान्यजनाः सहभागिनः भविष्यन्ति इति सम्भावना वर्तते।
समग्रे जनपदे प्रचलद्भिः योगप्रशिक्षणकार्यक्रमैः, जागरूकताभियानैः, पदयात्राभिश्च प्रशासनं योगदिवसस्य सफलाय आयोजनाय सम्यक् सज्जतां करोति।
---------------
Hindusthan Samachar / Dheeraj Maithani