औरैया, 19 जूनमासः (हि. स.)।

उत्तरप्रदेशस्य औरैयाजनपदे अजीतमलतहसीलक्षेत्रस्य जगदीशपुरग्रामे आयोजितस्य क्रिकेट क्लब प्रतियोगितायाः शुभारम्भः समाजवादी पार्टी इत्यस्य जिलाध्यक्षः सर्वेश बाबू गौतमः फीता छित्त्वा अकरोत्। प्रतियोगितायाः उद्घाटनावसरे ग्रामात् समीपवर्तिक्षेत्रेभ्यश्च बहुसंख्यया क्रीडाप्रेमिणः युवा क्रीडकाश्च उपस्थिताः आसन्। कार्यक्रमे उत्साहस्य उल्लासस्य च वातावरणं दृष्टिगोचरम् अभवत्।

अस्मिन् अवसरे सपा जिलाध्यक्षः सर्वेश बाबू गौतमः क्रीडकान् युवानश्च सम्बोधयन् अवदत् यत् ग्रामेषु विद्यमानासु प्रतिभासु अपारः सामर्थ्यनिधिः वर्तते। लघुग्रामाणां क्रीडाङ्गणेभ्यः निर्गत्य बहवः क्रीडकाः देशे विदेशे च स्वस्य स्वक्षेत्रस्य च नाम प्रकाशयन्ति। तेन उक्तं यत् क्रीडाः युवभ्यः अनुशासनस्य परिश्रमस्य दलभावनायाश्च शिक्षां ददति। क्रीडया शारीरिकः मानसिकश्च विकासः भवति अतः अध्ययनस्य सह क्रीडा अपि जीवने अत्यन्तम् आवश्यकाः सन्ति।

सः अवदत् यत् वर्तमानकाले ग्रामीणक्षेत्रेषु क्रीडाप्रतिभानां कृते मञ्चप्रदानस्य आवश्यकता वर्तते। एतादृशाः प्रतियोगिताः युवानां अन्तर्निहितप्रतिभां विकसितुं साहाय्यं कुर्वन्ति। तेन आयोजकानां प्रशंसा कृता तथा उक्तं यत् एतादृशाः आयोजनाः समाजे सकारात्मक ऊर्जायाः सञ्चारं कुर्वन्ति तथा युवानः दुष्पथात् दूरं स्थापयन्ति।

प्रतियोगिता समितेः पदाधिकाऱिणः ग्रामवासिनश्च सपा जिलाध्यक्षस्य सर्वेश बाबू गौतमस्य पुष्पमालाभिः भव्यं स्वागतं कृतवन्तः। कार्यक्रमस्य अवधौ युवसु विशेषः उत्साहः दृष्टः। क्रीडकाः अपि श्रेष्ठप्रदर्शनस्य विश्वासं व्यक्तवन्तः तथा क्रीडाभावनया सह प्रतियोगितायां सहभागितां करिष्यामः इति उक्तवन्तः।

अस्मिन् अवसरे जिला पञ्चायत सदस्यः उदय वीर यादवः प्रतीत सिंह उर्फ पुल्ली यादवः विधानसभाध्यक्षः रामकुमार दोहरे रामरतनः च सहिताः अनेकाः गणमान्यजनाः उपस्थिताः आसन्। अपरत्र क्रिकेट क्लब प्रतियोगिता समितेः अध्यक्षः अगेन्द्र प्रताप सिंहः तथा आयोजकाः पारसः बोबी समरः रवि राजपूतः अंशः पीयूषः डुग्गू अनुरागश्च अतिथीनां स्वागतं कृतवन्तः।

कार्यक्रमे शतशः ग्रामवासिनः क्रीडाप्रेमिणश्च उपस्थिताः आसन्। प्रतियोगितायाः शुभारम्भेन सह क्रीडकाः पूर्णोत्साहेन उल्लासेन च स्पर्धायाः आरम्भम् अकुर्वन्। ग्रामे आयोजितेयं क्रीडाप्रतियोगिता युवसु नूतनाम् ऊर्जां क्रीडायाः प्रति जागरूकतां च जनितवती।

---------------

हिन्दुस्थान समाचार / Dheeraj Maithani