Enter your Email Address to subscribe to our newsletters
नोएडा, 19 जूनमासः (हि.स.)।मुख्यमन्त्री अभ्युदय योजना अन्तर्गतायाः सञ्चाल्यमानायाः निःशुल्क प्रतियोगी परीक्षा प्रशिक्षणव्यवस्थायाः कृते युवसु अत्यधिकः उत्साहः दृश्यते। अस्मिन् वर्षे जनपदे चतुर्षु केन्द्रेषु प्रारभ्यमाणानां कक्षाणां कृते अधुना यावत् ७०० अधिकाः अभ्यर्थिनः आवेदनं कृतवन्तः। अस्मिन् वर्षे पञ्चशील बालक इण्टर कालेज तथा गौतमबुद्ध विश्वविद्यालयः अपि प्रशिक्षणकेन्द्ररूपेण समाविष्टौ स्तः। योजना अन्तर्गत यूपीएससी यूपीपीसीएस नीट तथा जेईई इत्यादीनां प्रतियोगी परीक्षाणां सिद्धता निःशुल्करूपेण कारयिष्यते।
सर्वाधिकानि आवेदनानि मिहिर भोज इण्टर कालेजे प्राप्तानि सन्ति। तत्र यूपीएससी नीट तथा जेईई कक्षाणां कृते प्रायः ३०० आवेदनपत्राणि प्राप्तानि। डॉ भीमराव आंबेडकर ग्रन्थालये सञ्चाल्यमानानां विशेष यूपीएससी कक्षाणां कृते १९५ आवेदनपत्राणि प्राप्तानि। सहैव पञ्चशील बालक इण्टर कालेज तथा गौतमबुद्ध विश्वविद्यालयस्य कृते अपि २३० अधिकानि आवेदनपत्राणि प्राप्तानि।
जिला समाजकल्याण अधिकारी सतीश कुमारः अवदत् यत् आवेदनप्रक्रियायाः सम्पन्नतायाः अनन्तरम् अभ्यर्थिनां चयनार्थम् १ जुलैतः ७ जुलैपर्यन्तं प्रवेशपरीक्षा आयोजिता भविष्यति। परीक्षाफलानि ११ जुलैदिने घोषितानि भविष्यन्ति।
चयनितविद्यार्थिनां कक्षाः १५ जुलैतः प्रारभ्यन्ते। कक्षासु विषयविशेषज्ञैः पाठ्यक्रमाधारिताध्ययनस्य सह उत्तरलेखनस्य समयप्रबन्धनस्य व्यक्तित्वविकासस्य तथा साक्षात्कारसिद्धतायाः अपि प्रशिक्षणं प्रदास्यते।
जिला समाजकल्याण अधिकारी अवदत् यत् योजनां प्रति युवानां रुचिः निरन्तरं वर्धमाना अस्ति। गतत्रिवर्षेषु योजनया सम्बद्धाः ३० अधिकाः अभ्यर्थिनः विभिन्नासु प्रतियोगी परीक्षासु सफलतां प्राप्तवन्तः।
---------------
Hindusthan Samachar / Dheeraj Maithani