Enter your Email Address to subscribe to our newsletters
नवदेहली, ०५ जूनमासः (हि.स.)। केन्द्रसर्वकारेण फाइटर-पायलट-एयर-मार्शलः आशुतोष-दीक्षितः पुनः वायुसेनायाः उपप्रमुखत्वेन नियुक्तः कृतः। प्रसिद्धः परीक्षितचालक: प्रथम-जुलाईमासे स्वनवीनं पदं ग्रहीत्वा वायुसेनायां महत्त्वपूर्णेषु नेतृत्वपदेषु एकस्य दायित्वं वहिष्यति। अस्य नियुक्तिः तस्मिन् महत्त्वपूर्णे काले जाता, यदा भारतीयवायुसेना स्वाधुनिकीकरणकार्यक्रमान् क्षमतावर्धन-योजनाः च अग्रे नयति।
एयर-मार्शलः आशुतोष-दीक्षितः प्रथमवारं १५ मे २०२३ तमे वर्षे एयर-मार्शल नर्मदेश्वर-तिवारी इत्यस्य स्थानं गृहीत्वा उपवायुसेनाप्रमुखपदं अगृह्णत्। सः योग्यः फ्लाइङ-इन्स्ट्रक्टर-इति तथा प्रयोगात्मक-परीक्षित-चालक: अपि अस्ति। तेन मिग-२१, मिग-२९ तथा मिराज-२००० इत्यादीनां विमानानां संचालनानुभवः प्राप्तः अस्ति। सः विगतत्रिंशदधिक-वर्षेषु वायुसेनायाः सदस्यः अस्ति। स्वकार्यकाले सः २० अधिक-विमानप्रकारेषु ३३०० होरापर्यन्तं उड्डयनं कृतवान्।
सः ‘ऑपरेशन-श्वेत-सागर’ तथा ‘रक्षक’ इत्यनयोः अभियानेषु भागं गृहीतवान्। सः भविष्य-प्रौद्योगिकी-अङ्गीकारसम्बद्धानां परियोजनानां नेतृत्वं कृतवान् तथा ‘आत्मनिर्भरता’ इत्यस्मिन् केन्द्रितं आधुनिकीकरणं सुनिश्चितं कर्तुं कार्यं कृतवान्। उपवायुसेनाप्रमुखत्वेन तस्य कार्यकाले एलसीए-मार्क-१ए, मार्क-२ तथा एएमसीए इत्यादीनां स्वदेशीय-विमानपरियोजनानां महत्त्वपूर्णा प्रगति: अभवत्।
पूर्वं सः एकीकृत-रक्षा-कार्यकर्तु: प्रमुखत्वेन कार्यं कृतवान्। ततः पूर्वं सः केन्द्रीयवायु-आज्ञायाः एयर-ऑफिसर-कमाण्डिङ्ग-इन-चीफ इत्यपि आसीत्। सः दक्षिण-पश्चिम-वायु-आज्ञायाः वरिष्ठ-वायु-अधिकारी अपि आसीत्। सः पुणे-स्थितस्य राष्ट्रीय-रक्षा-अकादम्याः तथा डुंडीगल-स्थितस्य वायुसेना-अकादम्याः छात्रः अस्ति। बाङ्गलादेशस्थितस्य रक्षा-सेवा-कमाण्ड-एण्ड-स्टाफ-महाविद्यालयस्य तथा नवदेहलीस्थितस्य राष्ट्रीय-रक्षा-महाविद्यालयस्य अपि सः पूर्वछात्रः अस्ति।
राष्ट्रीय-रक्षा-अकादम्याः पूर्वछात्रः एयर-मार्शलः दीक्षितः ०६ दिसम्बर १९८६ तमे वर्षे फाइटर-स्ट्रीम इत्यस्मिन् कमीशन इति प्राप्तवान्। ऑपरेशनल-फ्लाइङ, फ्लाइट-टेस्टिङ, फोर्स-मॉडर्नाइजेशन तथा स्ट्रैटेजिक-लीडरशिप इत्येतेषु तस्य उत्कृष्टं करियरम् अस्ति। तस्मै २०२६ तमे वर्षे परम-विशिष्ट-सेवा-पदकं, २०२३ तमे अति-विशिष्ट-सेवा-पदकं, २००६ तमे वायुसेना-पदकं तथा २०११ तमे विशिष्ट-सेवा-पदकं च प्रदत्तानि सन्ति। सः पश्चिम-क्षेत्रे अग्रिम-फाइटर-बेस मिराज-२००० स्क्वाड्रन-इत्यस्य प्रातिनिधित्वं कृतवान्, यः वायुसेनायाः प्रमुख-फाइटर-ट्रेनिङ्ग-बेस अपि अस्ति।
सः वायुसेना-मुख्यालये प्रिन्सिपल-डायरेक्टर-एयर-स्टाफ-रिक्वायरमेंट, असिस्टेन्ट-चीफ-ऑफ-एयर-स्टाफ (प्रोजेक्ट्स) तथा असिस्टेन्ट-चीफ-ऑफ-एयर-स्टाफ (प्लान) इत्यादिषु पदेषु कार्यं कृतवान्। सः वायुसेनायाः आधुनिकीकरणस्य उत्तरदायी भविष्यति तथा उपप्रमुखत्वेन नूतन-क्रयणानि आपात-शक्त्याधारित-अधिग्रहणानि च निरीक्षिष्यति।
Hindusthan Samachar / Divya Ranjan