Enter your Email Address to subscribe to our newsletters
जयपुरम्, 05 जूनमासः (हि.स.)।राजस्थानउद्योगव्यापारमहासंघस्य तथा टीपीएन सोल्यूशन्ससंस्थायाः संयुक्ततत्त्वावधाने राजस्थानइण्टरनेशनलसेण्टर आरआईसी इत्यत्र आयोजितस्य त्रिदिवसीयस्य इण्डियाफूडबिजनेसएक्स्पो २०२६ कार्यक्रमस्य शुक्रवासरे भव्यशुभारम्भः अभवत्। एक्स्पो कार्यक्रमस्य उद्घाटनम् उपमुख्यमन्त्री डॉ प्रेमचन्दबैरवा अकुरुत्। उद्घाटनसमारोहे उद्योगव्यापारखाद्यप्रसंस्करणक्षेत्रैः सम्बद्धाः अनेके गणमान्यजनाः उपस्थिताः आसन्।
अस्मिन् अवसरे उपमुख्यमन्त्री डॉ बैरवा अवदत् यत् राजस्थाने खाद्यप्रसंस्करणकृष्याधारितोद्योगेषु निवेशस्य अपाराः सम्भावनाः सन्ति। राज्यसर्वकारः विविधयोजनाभिः खाद्यउद्योगस्य कृष्युत्पादानां संवर्धनस्य स्थानीयोद्योगानां प्रोत्साहनस्य रोजगारसृजनस्य च कृते निरन्तरं प्रयत्नान् करोति। तेन उक्तं यत् एतादृशाः आयोजनाः उद्योगजगतः कृते नूतनावसरान् प्रदास्यन्ति तथा च प्रदेशस्य अर्थव्यवस्थां दृढां कुर्वन्ति।
एक्स्पो कार्यक्रमस्य समये जयपुरसांसदा मञ्जुशर्मा पूर्वमन्त्री कालीचरणसराफ विधायकः बालमुकुन्दाचार्यश्च प्रदर्शनीम् अवलोक्य प्रदर्शकान् आगन्तॄन् आयोजकान् च उत्साहितवन्तः।
उद्घाटनसमारोहे राजस्थानचैम्बर ऑफ कॉमर्स एण्ड इण्डस्ट्री संस्थायाः अध्यक्षः डॉ केएल जैनः फोर्टीसंस्थायाः अध्यक्षः सुरेशअग्रवाल एमएसएमई विभागस्य उपनिदेशकः मधुकरशर्मा कैट संस्थायाः प्रदेशमहासचिवः हेमन्तप्रभाकरः तथा किरानाकिङ्ग संस्थायाः प्रबन्धनिदेशकः अनूपखण्डेलवालः अपि उपस्थिताः आसन्।
राजस्थानोद्योगव्यापारमहासंघस्य अध्यक्षमण्डलाध्यक्षः डॉ अरुणअग्रवालः तथा अध्यक्षः जगदीशसोमानी अवदताम् यत् एक्स्पो कार्यक्रमस्य उद्देश्यं प्रदेशस्य खाद्यप्रसंस्करणोद्योगेन सम्बद्धान् उद्योगपतिनिर्मातृविक्रेतृवितरकान् च एकस्मिन् मञ्चे समागमयितुम् अस्ति येन व्यापारविस्तारस्य सह रोजगारस्य नूतनावसराणाम् अपि सृजनं भवेत्।
एक्स्पो कार्यक्रमस्य आयोजकः तथा टीपीएन सोल्यूशन्स संस्थायाः निदेशकः जितेन्द्रगोयल अवदत् यत् राजस्थाने प्रथमवारं स्थानीयायोजकैः एतादृशः विशालस्तरीयः खाद्यव्यापारप्रदर्शनकार्यक्रमः आयोजितः अस्ति। अस्य पूर्वं बाह्यकार्यक्रमसंस्थाः एव एतादृशान् आयोजनान् कुर्वन्त्यः आसन्।
तेन उक्तं यत् प्रथमदिने एव त्रिसहस्राधिकाः व्यापारक्रेतारः आगन्तारश्च एक्स्पोकार्यक्रमं दृष्टवन्तः यत् आयोजनस्य सफलतायाः प्रमाणम् अस्ति। सम्पूर्णप्रदेशात् बहुसंख्यकाः गम्भीरव्यापारक्रेतारः प्रदर्शनीं प्रति आगच्छन्ति।
---------------
Hindusthan Samachar / Dheeraj Maithani