बरेली, 01 जुलाईमासः (हि.स.) ।प्रदेशव्यापिनि प्रवर्तमाने वृक्षारोपणमहायज्ञे २०२६ अन्तर्गतं बरेलीवनप्रभागे बुधवासरे वनमहोत्सवस्य शुभारम्भः अभवत्। एकजुलैतः सप्तजुलैपर्यन्तं प्रवर्तमानस्य वनमहोत्सवस्य अवधौ जनपदस्य सर्वासु वनपरिक्षेत्रेषु वृक्षारोपणेन सह जनजागरूकताकार्यक्रमाः आयोजयिष्यन्ते। तेषु प्रभातफेरी, नुक्कडनाटकम्, सांस्कृतिककार्यक्रमाः, चित्रकलाप्रतियोगिता, निबन्धप्रतियोगिता, वादविवादप्रतियोगिता तथा पर्यावरणसङ्गोष्ठी समाविष्टाः सन्ति। अस्मिन् काले विशेषाभियानस्य आमबहारआपकेद्वार इत्यस्य अन्तर्गतं जनेभ्यः आम्रवृक्षस्य पौधानामपि वितरणं क्रियते।

बरेलीपरिक्षेत्रस्य अन्तर्गतं गायत्रीशक्तिपीठमन्दिरपरिसरे मुख्यातिथिः प्रदेशसर्वकारस्य पर्यावरणवनजलवायुपरिवर्तनविभागस्य राज्यमन्त्री स्वतन्त्रप्रभारयुक्तः डा अरुणकुमारः बिल्ववृक्षस्य पौधं रोपयित्वा वनमहोत्सवस्य शुभारम्भम् अकरोत्। तदनन्तरं पौधभण्डारस्य आयोजनम् अभवत् यस्मिन् प्रायः द्विसहस्रसंख्याकाः आम्रतुलसीदाडिमपेरूकशिग्रुवृक्षाणां पौधाः वितरिताः। कार्यक्रमे मुख्यवनसंरक्षकः रुहेलखण्डक्षेत्रस्य पीपीसिंहः, प्रभागीयवनाधिकारी दीक्षाभण्डारी तथा वनविभागस्य अधिकारिणः उपस्थिताः आसन्।

फरीदपुरपरिक्षेत्रे पौधभण्डारस्य अवसरस्य एमएलसी महाराजसिंहः जनेभ्यः प्रायः एकसहस्रसंख्याकान् पौधान् वितरितवान्। तदनन्तरं बसस्थानकस्य समीपे वृक्षारोपणम् अपि कृतम्। बहेडीपरिक्षेत्रे गोडविनपब्लिकविद्यालये चित्रकलाप्रतियोगितायाः आयोजनं कृत्वा विद्यार्थिभ्यः पर्यावरणसंरक्षणस्य सन्देशः प्रदत्तः। विद्यालयपरिसरे वृक्षारोपणानन्तरं बकौलीग्रामपञ्चायत्यां ग्रामीणैः सह पर्यावरणविषयकसङ्गोष्ठी आयोजिता।

मीरगञ्जपरिक्षेत्रे फतेहगञ्जपश्चिमीस्थे रहपुराचतुष्पथे स्थिते मन्दिरे आम्रपौधानां वितरणं कृतम्। नवाबगञ्जपरिक्षेत्रस्य हाफिजगञ्जग्रामे ग्रामीणेभ्यः आम्रदाडिमजम्बूफलवृक्षाणां सहितं प्रायः पञ्चशतसंख्याकाः पौधाः वितरिताः।

प्रभागीयवनाधिकारी दीक्षाभण्डारी अवदत् यत् वनमहोत्सवस्य प्रमुखोद्देश्यः जनान् पर्यावरणसंरक्षणेन सह सम्बद्धान् कर्तुम् अस्ति। वृक्षारोपणेन सह जनसहभागितायाः वर्धनार्थं विविधाः जागरूकताकार्यक्रमाः आयोज्यन्ते। सा सर्वान् जनान् प्रार्थितवती यत् केवलं पौधरोपणमेव न, अपितु तेषां संरक्षणपालनस्य उत्तरदायित्वमपि वहन्तु, येन हरितक्षेत्रस्य विस्तारः साध्यः भवेत्।-------

Hindusthan Samachar / Dheeraj Maithani