Enter your Email Address to subscribe to our newsletters
- मुख्यमंत्री डॉ. यादवः नव दिल्ल्याम् आयोजितं प्री-बिड मेलनमाभाषिकं कृतं संबोधितम्
भोपालम्, 01 जुलाईमासः (हि.स.) ।मध्यप्रदेशस्य मुख्यमन्त्री डा मोहन यादव उक्तवान् यत् मध्यप्रदेशसर्वकारेण चतुर्विंशतिघण्टात्मकनवकरणीयऊर्जाप्रदायस्य महत्त्वाकाङ्क्षिणी परियोजना प्रारब्धा। मध्यप्रदेशः स्वच्छऊर्जाक्षेत्रे नूतनाध्यायस्य आरम्भं करोति। तेन उक्तं यत् दावोसनगरे कृतानां घोषणानां अनुरूपं प्रदेशः चतुर्विंशतिघण्टात्मकहरितऊर्जाप्रदानस्य दिशि तीव्रगत्या अग्रे गच्छति।
मुख्यमन्त्री डा मोहन यादव बुधवासरे चतुर्विंशतिघण्टात्मकनवकरणीयऊर्जापरियोजनायाः कृते नूतनदिल्लीस्थिते मध्यप्रदेशभवने आयोजितां पूर्वनिविदासभां भोपालस्थितसमत्वभवनात् मुख्यमन्त्रिनिवासात् आभासीयमाध्यमेन सम्बोधितवान्। नूतनदिल्लीस्थसभायां नवीननवकरणीयऊर्जामन्त्री राकेश शुक्ल अपरमुख्यसचिवः मनु श्रीवास्तव विविधकम्पनीनां प्रतिनिधयश्च उपस्थिताः आसन्।
मध्यप्रदेशस्य अभिलेखः देशे श्रेष्ठतमः
मुख्यमन्त्री डा मोहन यादव उक्तवान् यत् रीवा अल्ट्रा मेगा सौरपरियोजनया देशे न्यूनतमः सौरशुल्कदरः स्थापितः तथा भारतस्य वैश्विकप्रतिष्ठा वर्धिता। शाजापुर नीमच सौरउद्यानाभ्यां प्रति एककं द्विदशमलवचतुर्दशरूप्यकाणि इति प्रदेशस्य न्यूनतमः शुल्कदरः प्राप्तः। अद्यतनकाले मुरैनाजनपदस्य चतुःघण्टात्मकसञ्चयनयुक्तऊर्जापरियोजनायाः कृते प्रति एककं द्विदशमलवसप्ततिरूप्यकेषु विद्युत्क्रयसम्झौता सम्पन्नः। एषा परियोजना देशस्य स्पर्धात्मकतमासु ऊर्जासञ्चयनपरियोजनासु अन्यतमा अस्ति।
मध्यप्रदेशः देशस्य निवेशमित्रतमः राज्यः
मुख्यमन्त्री डा मोहन यादव उक्तवान् यत् राज्यसर्वकारः निवेशकेभ्यः पारदर्शिन्यः नीतयः शीघ्रनिर्णयान् उत्कृष्टाम् अधोसंरचनां च प्रदातुं पूर्णतया प्रतिबद्धः अस्ति। तेन देशविदेशस्थितान् निवेशकान् मध्यप्रदेशस्य ऊर्जाक्रान्तेः सहभागीभवितुम् आमन्त्रितवान्।
ऊर्जाक्षेत्रे आत्मनिर्भरता अस्माकं लक्ष्यं
मुख्यमन्त्री डा मोहन यादव उक्तवान् यत् केवलं परियोजनास्थापनमेव न अपितु हरितऊर्जा ऊर्जासुरक्षा सततविकासक्षेत्रेषु मध्यप्रदेशं देशस्य अग्रणी राज्यं कर्तुमेव राज्यसर्वकारस्य उद्देश्यः अस्ति। मुख्यमन्त्री विश्वासं व्यक्तवान् यत् रीवा अल्ट्रा मेगा सौरपरियोजना सर्वेषां हितधारकाणां संयुक्तप्रयत्नैः सह चतुर्विंशतिघण्टात्मकनवकरणीयऊर्जापरियोजना भारतस्य ऊर्जासुरक्षायाः हरितविकासस्य च दिशि ऐतिहासिकसिद्धा भविष्यति। नूतनदिल्लीस्थितायां पूर्वनिविदासभायां टाटा पावर रिलायन्स एनर्जी टोरेंट पावर जिंदल रिन्युएबल एनटीपीसी अडानी ग्रीन्स हिन्दुस्तान पावर महिंद्रा सिस्टम इत्यादीनां संस्थानां प्रतिनिधयः उपस्थिताः आसन्।
---------------
Hindusthan Samachar / Dheeraj Maithani