इंदौरम्, 01 जुलाईमासः (हि.स.)।

मध्यप्रदेशराज्यसहकारिविपणनसंघमर्यादितभोपालेन इन्दौरस्थिते कृषिमहाविद्यालये बुधवासरे कृषिविपणने प्राकृतिककृषेः सहकारिसंस्थानां च भूमिका इति विषये एकदिवसीयस्य कृषिविपणनसम्मेलनस्य आयोजनं कृतम्। अस्मिन् कार्यक्रमे त्रिशताधिकाः कृषकाः सहभागित्वेन समुपस्थिताः।

कार्यक्रमस्य मुख्यातिथिरूपेण संघस्य सचिवः महेन्द्रदीक्षितः उपस्थितः। कार्यक्रमस्य अध्यक्षतां कृषिमहाविद्यालयस्य इन्दौरस्य अधिष्ठाता भरतसिंहः अकरोत्। अस्मिन् अवसरे संयुक्तकृषिसञ्चालकः, उपकृषिसञ्चालकः, आत्मायोजनायाः उपसञ्चालकः, इन्दौरउज्जयिनीविभागयोः जिलाविपणनाधिकारीणः, विपणनसंस्थानां तथा सहकारिसमितीनां प्रतिनिधयः उपस्थिताः आसन्।

सम्मेलने प्राकृतिककृषिं स्वीकृतवन्तः प्रगतिशीलकृषकाः स्वानुभवान् साझा कृत्वा आयवृद्धेः, व्ययस्य न्यूनीकरणस्य तथा स्थायिकृषिप्रणाल्याः लाभान् प्रकाशितवन्तः। विशेषज्ञाः आधुनिककृषिविपणनतन्त्रज्ञानस्य, वैज्ञानिकभण्डारणोपायानां तथा उत्तमविपणनव्यवस्थायाः विषये विस्तृतां जानकारीम् अददुः। स्टारएग्री तथा समुन्नतीसंस्थानयोः प्रतिनिधयः कृषकेभ्यः ऋणसुविधानां, वित्तीयसेवानां तथा कृषिव्यवसायसम्बद्धयोजनानां विषये अवगतिं कारितवन्तः। सहैव ईविकासप्रणाल्याः प्रस्तुतीकरणमपि कृतम् तथा कृषिविपणनसम्बद्धेषु विविधेषु सामयिकविषयेषु विचारविमर्शः अभवत्।

मुख्यातिथिः महेन्द्रदीक्षितः स्वोद्बोधने प्राकृतिककृषिं कृषकाणाम् आयवृद्धेः, पर्यावरणसंरक्षणस्य तथा गुणवत्तायुक्तकृषिउत्पादनस्य प्रभावीमाध्यमम् इति निरूप्य सहकारिसंस्थानां भूमिकां अधिकं सुदृढां कर्तुं बलम् अददात्। तेन कृषकाः आधुनिकतन्त्रज्ञानस्य तथा सहकारिसेवानां अधिकतमं लाभं स्वीकर्तुम् आग्रहिताः।

कार्यक्रमस्य समापने पर्यावरणसंरक्षणस्य उद्देश्येन वृक्षारोपणमपि कृतम्।

---------------

Hindusthan Samachar / Dheeraj Maithani