नव दिल्ली, 01 जुलाईमासः (हि.स)।एस. के. सिन्हा इत्यनेन बुधवासरे सार्वजनिकक्षेत्रस्य गैसकम्पन्याः गेल इण्डिया लिमिटेड इत्यस्यां वित्तनिदेशकपदस्य कार्यभारः स्वीकृतः। सः आर. के. जैन इत्यस्य स्थानं गृह्णाति। आर. के. जैन ३० जूनदिनाङ्के सेवानिवृत्तः अभवत्।

गेल इत्यया सामाजिकमाध्यमे एक्स इत्यस्मिन् प्रकाशिते सन्देशे उक्तं यत् एस. के. सिन्हा अद्य भारतस्य प्रमुखायाः समन्वित ऊर्जाकम्पन्याः गेल इण्डिया लिमिटेड इत्यस्यां वित्तनिदेशकपदं स्वीकृतवान्। निदेशकपरिषदि सम्मिलनात् पूर्वं सः वित्तलेखाविभागस्य कार्यकारीनिदेशकत्वेन कार्यं कृतवान्। तस्मात् पूर्वमपि सः वित्तलेखाविभागस्य कार्यकारीनिदेशकः आसीत्।

एस. के. सिन्हा १९९४ तमे वर्षे प्रबन्धप्रशिक्षुरूपेण गेलसंस्थायां प्रविष्टवान्। त्रिंशदधिकवर्षाणां सेवाकालानन्तरं सः अधुना निदेशकपरिषदि सम्मिलितः। कम्पनीनुसारं लागतप्रबन्धलेखाङ्कनविशेषज्ञः सिन्हा स्वस्य सेवाकाले निगमवित्तम्, लेखाङ्कनम्, कोषप्रबन्धनम्, करव्यवस्था, बजटनिर्माणम्, परियोजनामूल्याङ्कनम्, निवेशकसम्बन्धाः, विलयम्, अधिग्रहणम् इत्यादिषु क्षेत्रेषु कार्यं कृतवान्।

गेल इत्यया उक्तं यत् सिन्हा वित्तीयव्यवस्थानाम्, कोषप्रबन्धनस्य, अङ्कीयीकरणस्य तथा निवेशकसम्बन्धानां विविधपहलानां नेतृत्वं कृतवान्। अस्मिन् एसएपी आधारितवित्तप्रक्रियाणां तथा अन्यस्वचालनपरियोजनानां कार्यान्वयनमपि अन्तर्भवति। सः गेल ग्लोबल सिङ्गापुर प्राइवेट लिमिटेड तथा गेल मैङ्गलोर पेट्रोकेमिकल्स लिमिटेड इत्येतयोः निदेशकपरिषदोः सदस्यत्वेन अपि सेवां दत्तवान्।

कम्पन्या उक्तं यत् सिन्हायाः वित्तीयविशेषज्ञानस्य तथा सामरिकदृष्टेः उत्कृष्टः समन्वयः विद्यते। एषः गेलस्य वित्तीयसुदृढतां अधिकां करिष्यति तथा समन्वितऊर्जाकम्पनीरूपेण तस्याः विकासे साहाय्यं दास्यति। तस्य नेतृत्वे गेलसंस्थया वित्तीयप्रतिवेदनक्षेत्रे उत्कृष्टकार्यं, निवेशकसम्बन्धेषु विशिष्टमान्यता तथा अंशधारकेभ्यः निरन्तरं मूल्यसृजनस्य क्षेत्रे उल्लेखनीयाः उपलब्धयः प्राप्ताः।

---------------

Hindusthan Samachar / Dheeraj Maithani