Enter your Email Address to subscribe to our newsletters
नवदिल्ली, 12 जुलाईमासः (हि.स.)।
भारतस्य ब्रिक्स अध्यक्षतायाः अन्तर्गतं अत्र आयोजितायां तृतीयायां ब्रिक्स परिवहनमन्त्रिणां उपवेशने सदस्यराष्ट्रैः सर्वसम्मत्या मन्त्रीस्तरीयघोषणापत्रं स्वीकृतम्। अस्मिन् घोषणापत्रे आधारभूतसंरचनायां परिपत्रार्थव्यवस्था, सततविमाननइन्धनम्, परिवहनक्षेत्रे कार्बनोत्सर्जनस्य न्यूनीकरणम्, नागरगतिशीलताकेन्द्राणि, रसद आपूर्तिशृङ्खलासहयोगः तथा ब्रिक्स रेलमार्ग अनुसंधानजालम् इत्यादिषु प्रमुखक्षेत्रेषु सहयोगस्य रूपरेखा निर्मिता अस्ति।
केन्द्रीयसड़कपरिवहनराजमार्गमन्त्री नितिन गडकरी उपवेशनस्य सफलतायै सर्वेषां सदस्यराष्ट्राणां प्रतिनिधिभ्यः कृतज्ञतां प्रकटयन् अवदत् यत् सर्वेषां राष्ट्राणां सहयोगेन सहमत्याः च फलस्वरूपम् एतत् महत्त्वपूर्णं घोषणापत्रं स्वीकर्तुं शक्यमभवत्। तेन उक्तं यत् एतेन ब्रिक्स राष्ट्राणां मध्ये परिवहनक्षेत्रे सहयोगः अधिकं सुदृढः भविष्यति।
उपवेशनात् पूर्वं जुलाईमासस्य ०९ तथा १० दिनाङ्कयोः ब्रिक्स परिवहनकार्यसमूहस्य वरिष्ठाधिकारिणां उपवेशनम् आयोजितम्, यस्मिन् मन्त्रीस्तरीयघोषणापत्रं विविधप्रस्तावाश्च अन्तिमरूपेण अनुमोदिताः।
भारतेन सर्वेषां ब्रिक्स सदस्यराष्ट्राणां रचनात्मकसहभागितायाः सहयोगस्य च प्रशंसा कृता तथा उक्तं यत् एताः पहलाः अग्रिमब्रिक्स अध्यक्षतापर्यन्तं सम्यग्रूपेण प्रवर्तयितुं सः पूर्णतया प्रतिबद्धः अस्ति।
चतुर्दिवसीये कार्यक्रमे ब्रिक्स राष्ट्राणां परिवहनमन्त्रिणः, वरिष्ठाधिकारिणः तथा तकनीकीविशेषज्ञाः सहभागी अभवन्। अस्मिन् अवसरे द्विपक्षीयोपवेशनानां सह सांस्कृतिककार्यक्रमाणामपि आयोजनम् अभवत्, येषां माध्यमेन सदस्यराष्ट्राणां मध्ये पारस्परिकसमझ, जनजनसम्पर्कः तथा संस्थागतसहयोगः प्रोत्साहितः।
---------------
Hindusthan Samachar / Dheeraj Maithani