नवदिल्ली, 12 जुलाईमासः (हि.स.)। नवदेहल्याः मेजर्-ध्यानचन्द्र-राष्ट्रियक्रीडाङ्गणे रविवासरे 'फिट्-इण्डिया-सण्डेज़्-ऑन्-साइकिल्' इत्यस्य 81तमे संस्करणे बहुभिः चार्टर्ड्-अकाउण्टेण्ट्स्-सहितं 1000 तः अधिकैः जनैः भागं गृहीत्वा फिटनेस्-सन्देशः दत्तः। योगस्य, जुम्बायाः, रज्जुकूर्दनस्य च सदृशानां फिटनेस्-गतिविधीनाम् अनन्तरं प्रतिभागिनः इण्डिया-गेट्-समीपे 5 किलोमीटर्-दूरं साइकिल्-राइड्-कृतवन्तः। सम्पूर्णे देशे 'फिट्-इण्डिया-सण्डेज़्-ऑन्-साइकिल्' इत्यस्य 81तमं संस्करणं प्रायः 2,000 स्थानेषु आयोजितम् अभवत्।

इण्डिया-गेट्-समीपे साइकिल्-चालनानन्तरं इन्स्टीट्यूट्-ऑफ्-चार्टर्ड्-अकाउण्टेण्ट्स्-ऑफ्-इण्डिया-संस्थायाः उपनिदेशकः डॉ. संबित-कुमार-मिश्र-महोदयः एकस्मिन् वक्तव्ये अकथयत् यत् चार्टर्ड्-अकाउण्टेण्ट्स्-वर्गस्य 'फिट्-इण्डिया-सण्डेज़्-ऑन्-साइकिल्' कार्यक्रमे सम्मिलनम् इदम् अस्माकं तत् कथयितुं प्रकारः अस्ति यत् स्वस्थं भवनं केवलम् एथलीट्स्-वर्गस्य सशस्त्रबलस्य वा एव सीमितं भवितुं न अर्हति। यूयं कस्मिन्नपि व्यवसाये स्थिताः भवेयुः, स्वस्थत्वं आवश्यकम् अस्ति। वयं 'फिटनेस् सर्वेषां कृते अस्ति' इति सन्देशं दातुं सम्पूर्णे देशे बृहत्संख्यया भागं गृहीतवन्तः। सः अकथयत् यत् क्रीडामन्त्रालयस्य इयं पहल अद्वितीया अस्ति यतः इयं भारतं स्वस्थं देशं कर्तुं भिन्न-भिन्नक्षेत्राणां वयसां च जनान् एकत्र आनयति।

कार्यक्रमे हॉकी-एशियन्-चैम्पियन् रजतपदकविजेत्री सुमन-देवी-महोदया अपि भागं गृहीतवती। अस्याः पहलायाः प्रशंसां कुर्वती सुमन-महोदया अकथयत् यत् प्रधानमन्त्रिणा नरेन्द्रमोदिना आरब्धं 'फिट्-इण्डिया-मूवमेण्ट्' वस्तुतः अतीव लोकप्रियं जातम् अस्ति। अद्य एतावन्तः जनाः स्वपरिवारैः लघुबालकैः सह स्वेच्छया 'सण्डेज़्-ऑन्-साइकिल्' कार्यक्रमे सम्मिलिताः। इदं दर्शयति यत् जनाः स्वदैनन्दिनजीवने फिटनेस्-गतिविधीनां समावेशने कियत् रुचिं धारयन्ति। मह्यं प्रतिभाति यत् साइकिल्-चालनं न केवलं स्वस्थत्वस्य सरलः उपायः अस्ति, अपितु इदं कस्यापि आर्थिकपृष्ठभूमेः जनाः अपि अङ्गीकर्तुं शक्नुवन्ति। अस्य कृते युष्माकं जिम्-सदस्यता महार्घोपकरणानि वा न आवश्यकानि, यूयं केवलं साइकिलं चालयितुं शक्नुथ। सुमन-महोदया अकथयत् यत् मह्यं 'फिट्-इण्डिया-सण्डेज़्-ऑन्-साइकिल्' कार्यक्रमे जनानां मध्ये यत् आत्मीयत्वम् ऐक्यं च दृश्यते, तत् अतीव रोचते।

---------------

Hindusthan Samachar / Divya Ranjan