– २०२७ तमवर्षस्य महाविजयाय बूथस्तरपर्यन्तं सङ्घटनं सुदृढं कुरुत : पुष्करसिंहधामी

देहरादूननगरम्, १२ जुलाईमासः (हि.स.)। भारतीयजनतापक्षस्य राष्ट्रीयमहामन्त्री तरुण-चुघः अवदत् यत् अग्रिम-विधानसभानिर्वाचनं दृष्ट्वा कार्यकर्तृभिः प्रत्येकस्मिन् बूथमध्ये तथा प्रत्येकं मते विशेषं ध्यानं दातव्यम्। तेन उक्तं यत् पक्षस्य लक्ष्यं उत्तराखण्डं भाजपायाः अभेददुर्गम् निर्मातुं तथा २०२७ तमवर्षस्य विधानसभानिर्वाचने अद्यावधि सर्वाधिकासनेषु विजयः प्राप्तुम् अस्ति।

हरिद्वार-रोड-स्थिते कुँआवाला-क्षेत्रे आयोजितायां सङ्गठनात्मक-सभायां तरुण-चुघः अवदत् यत् राज्ये भाजपायाः पक्षे अनुकूलं वातावरणम् अस्ति, अतः कार्यकर्तृभिः मतदातारः मतदानकेन्द्र-पर्यन्तं नेतुं सक्रियभूमिका निर्वाह्या। तेन विशेष-गहन-पुनरीक्षणस्य संवैधानिक-प्रक्रियायां सहयोगं कृत्वा निर्दोष-मतदाता-सूची-निर्माणे सङ्घटनस्य महत्त्वपूर्णां भूमिकां इति अपि प्रतिपादितम्।

राष्ट्रीयमहामन्त्री पुनरपि अवदत् यत् जनाः भाजपां समर्थयितुम् इच्छन्ति। तेन कार्यकर्तॄन् प्रत्येकं मतं सुनिश्चित्य मतदातॄन् मतदानकेन्द्रं प्रति नेतुं सक्रियतया कार्यं कर्तुम् आहूतम्। तेन उक्तं यत् अग्रिमे विधानसभानिर्वाचने अद्यावधि सर्वाधिकासनविजयः पक्षस्य प्रमुखलक्ष्यम् अस्ति।

तरुण-चुघः अवदत् यत् कार्यकर्तॄणां परिश्रमेण तथा सर्वकारस्य उपलब्धिभिः उत्तराखण्डे सत्तापरिवर्तनस्य आवर्तित-परम्परा भग्ना। तेन विशेष-गहन-पुनरीक्षणस्य संवैधानिक-प्रक्रियायां सक्रिय-सहभागित्वस्य तथा त्रुटिरहित-मतदाता-सूची-निर्माणस्य आवश्यकतायामपि बलं दत्तम्। तेन उक्तं यत् पात्रमतदातॄणां नामानि मतदाता-सूच्यां सुनिश्चितानि भवितव्यानि, येन लोकतान्त्रिक-प्रक्रिया अधिका सुदृढा भविष्यति। तेन दावीकृतं यत् बिहारे, असमे तथा पश्चिमबङ्गे पक्षस्य प्रदर्शनात् एषा रणनीतिः सफलतां प्राप्तवती।

तेन कार्यकर्तारः प्रत्येकं बूथमध्ये तथा प्रत्येकस्मिन् मते विशेषं ध्यानं दातुम् आहूताः। तस्य मते एतयैव रणनीत्या देवभूमिः भाजपायाः अभेददुर्गरूपेण निर्मातुं शक्यते।

मुख्यमन्त्री पुष्करसिंहधामी कार्यकर्तॄन् 'यत्र न्यूनता, तत्र वयम्' इति सङ्कल्पेन स्वसाङ्घटनिकदायित्वानां प्रभावी-निर्वहणाय प्रेरितवान्। तेन उक्तं यत् केन्द्रीयनेतृत्वस्य अपेक्षानुसारं २०२७ तमवर्षस्य विधानसभानिर्वाचने महाविजयं सुनिश्चेतुं पूर्णसामर्थ्येन कार्यं करणीयम्। तदर्थं निर्वाचन-प्रबन्धनं अधिकं प्रभावीकरणीयम्।

तेन उक्तं यत् अस्य प्रथमं सर्वाधिकमहत्त्वपूर्णं सोपानं त्रुटिरहिता मतदाता-सूची अस्ति। कार्यकर्तृभिः बी.एल.ओ.-२ इत्यस्य माध्यमेन गृहे गृहे सम्पर्कः कर्तव्यः, जनाः जागरूकाः कर्तव्याश्च। सर्वेषां पात्रमतदातॄणां नामानि निर्धारित-प्रक्रियानुसारं मतदाता-सूच्यां समाविष्टानि स्युरिति सुनिश्चितं करणीयम्।

भाजपायाः प्रदेशाध्यक्षः राज्यसभासांसदः महेन्द्रभट्टः अवदत् यत् सङ्घटनस्य प्रयत्नः भवेत् यत् कश्चन पात्रमतदाता मतदाता-सूच्याः बहिः न भवेत् तथा च किमपि अपात्रनाम सूच्यां न समाविशेत्। तेन उक्तं यत् उत्तरदायी राजनैतिकदलरूपेण भाजपा संवैधानिक-प्रक्रियायां पूर्णं सहयोगं करिष्यति।

सभायां पूर्वसांसदः तथा एस.आई.आर.-दलस्य केन्द्रीयसदस्यौ जमयाङ्ग-त्सेरिङ्ग-नामग्यालः प्रकाश-तंवरश्च विशेष-गहन-पुनरीक्षण-प्रक्रियायाः विषये कार्यकर्तृभ्यः आवश्यकं मार्गदर्शनं प्रदत्तवन्तौ तथा तेषां प्रश्नानामुत्तराण्यपि दत्तवन्तौ।

अस्यां सभायां राज्यसभासांसदौ तथा राष्ट्रीय-सहकोषाध्यक्षः नरेश-बंसलः, कल्पना-सैनी, प्रदेशमहामन्त्री कुन्दन-परिहारः, दीप्ति-रावत्, तरुण-बंसलः, मन्त्रिणः धनसिंह-रावतः, मदन-कौशिकः, गणेश-जोशी, खजान-दासः, सौरभ-बहुगुणः, रामसिंह-कैडा, भरत-चौधरी, प्रदीप-बत्रा, विधायकाः मुन्नासिंह-चौहानः, विनोद-कण्डारी, प्रेमचन्द-अग्रवालः, आदेश-चौहानः, सहदेव-पुण्डीरः, बृजभूषण-गैरोला इत्यादयः प्रदेश-पदाधिकारीण: जनपदाध्यक्षाश्च उपस्थिताः आसन्। सभायाः सञ्चालनं प्रदेशमहामन्त्री तरुण-बंसलेन कृतम्।

Hindusthan Samachar / Divya Ranjan