Enter your Email Address to subscribe to our newsletters
बिजनौरनगरम्, १२ जुलाईमासः (हि.स.)। उत्तरप्रदेशस्य बिजनौर-जनपदस्य चान्दपुर-नगरे रविवासरे आभा-फाउण्डेशन इत्यनेन निर्धनयोः भगिन्योः प्रीति-निशयोः विवाहः हिन्दू-परम्परानुसारं सम्पन्नः। अयं कार्यक्रमः जलीलपुर-खण्डस्थिते एस.के.जी.-बैन्क्वेट-हॉल-नाम्नि स्थले आयोजितः। उभे भगिन्यौ कमालपुर-ग्रामस्य, खानपुर-खादर-क्षेत्रस्य निवासिन्यौ स्तः।
आभा-फाउण्डेशनस्य संस्थापिका आभा-सिंहः नवदम्पत्योः प्रत्येकं ५१,००० रूप्यकाणां धनादेशं समर्पितवती। कार्यक्रमे बारातिनां स्वागतं, भोजनव्यवस्था, बैन्क्वेट-हॉल-इत्यस्य व्यवस्था तथा विवाहसम्बद्धाः सर्वे प्रबन्धाः आभा-फाउण्डेशनद्वारा एव कृताः। अस्मिन् आयोजने प्रायः ५०० जनाः सहभागिनः अभवन्।
उल्लेखनीयं यत् आभा-फाउण्डेशन अस्मात् पूर्वमपि ११४ कन्यानां सामूहिक-विवाहान् सफलतया आयोजितवान्। एषा संस्था समाजसेवाक्षेत्रे सक्रियतया कार्यं करोति। निर्धनपरिवाराणां कन्यानां विवाहव्यवस्थाया: अतिरिक्तं निःशुल्क-नेत्रचिकित्सा-शिविराणि, मोतियाबिन्दु-शल्यचिकित्सा, उपनेत्र-वितरणम्, औषध-वितरणम्, द्विचक्रिकावितरणम्, सूचीयन्त्र-वितरणम् तथा कम्बल-वितरणम् इत्यादीनि अनेकान् जनकल्याण-कार्यक्रमान् अपि सञ्चालयति।
कार्यक्रमे उपस्थितैः जनैः आभा-फाउण्डेशन-इत्यस्य अस्य प्रयत्नस्य प्रशंसा कृता। तैः उक्तं यत् एतादृशानि सामाजिक-कार्याणि आवश्यकताग्रस्त-परिवाराणां कृते अत्यन्तं महत्त्वपूर्णानि सन्ति।
आभा-फाउण्डेशन-इत्यस्य अग्रिमः जनकल्याणकार्यक्रमः विधवाभ्यः दिव्याङ्गेभ्यश्च निःशुल्क-कुकर-वितरणस्य भविष्यति। फाउण्डेशन-इत्यस्य अध्यक्षा आभा-सिंहः अवदत् यत् भविष्येऽपि समाजस्य निर्धनानां, असहायानां, विधवानां तथा दिव्याङ्गानां हिताय सेवाकार्याणि निरन्तरं प्रवर्तिष्यन्ते।
Hindusthan Samachar / Divya Ranjan