Enter your Email Address to subscribe to our newsletters
मुंबई, 12 जुलाईमासः (हि.स.)।
केन्द्रीयमन्त्री नितिन गडकरी रविवासरे नागपुरनगरे अवदत् यत् पारडी क्षेत्रे निर्माणाधीनस्य उड्डयनसेतोः सह स्थानीयवणिजां कृते आधुनिक शाकपण्यः तथा क्रीडाक्लबस्यापि निर्माणं भविष्यति। अस्याः १५० कोटिरूप्यकपरिमितायाः परियोजनायाः अन्तर्गतं राष्ट्रियराजमार्गप्राधिकरणस्य एनएचएआई इत्यस्य पक्षतः ४० कोटिरूप्यकाणां योगदानं प्रदास्यते।
केन्द्रीयमन्त्री नितिन गडकरी नागपुरनगरे वर्धमाननगर रेलमार्गसङ्क्रमणे चतुर्लेनयुक्तस्य मार्गोपरिसेतोः तथा राज्ये ४८४ कोटिरूप्यकव्ययेन निर्मितानां नव महत्त्वपूर्णाधारभूतसंरचनापरियोजनानां लोकार्पणकार्यक्रमम् सम्बोधयन् आसीत्। गडकरी अवदत् यत् पूर्वनागपुरक्षेत्रे विशालपरिमाणेन शैक्षणिकसुविधानां विकासः अभवत् तथा अपशिष्टात् सीएनजी उत्पादनस्य परियोजनापि प्रारभ्यते। महारेल संस्थया अनेकाः आधारभूतसंरचनापरियोजनाः शीघ्रतया सम्पाद्यन्ते तथा मेट्रोपरियोजनया नागपुरस्य प्रतिष्ठा वर्धिता अस्ति।
मुख्यमन्त्री देवेन्द्र फडणवीस अवदत् यत् राज्यस्य नागरिकेभ्यः सुरक्षिताः, आधुनिकाः, कार्यक्षमाः तथा प्रौद्योगिकी आधारिताः परिवहनसुविधाः प्रदातुं तथा रेलमार्गफाटकेषु जायमानानां दुर्घटनानां निवारणार्थम् आगामिषु त्रिषु वर्षेषु समग्रराज्ये १४५ रेलमार्गोपरिसेतूनां निर्माणाय प्राधान्यं प्रदास्यते तथा महाराष्ट्रं रेलमार्गफाटकविहीनं करिष्यते।
मुख्यमन्त्री देवेन्द्र फडणवीस अवदत् यत् रेलमार्गफाटकेषु जायमानासु दुर्घटनासु प्रतिवर्षं प्रायः एकविंशतिसहस्रं जनाः मृत्युमुपयान्ति। एतस्मात् कारणात् राज्यसर्वकारेण रेलमार्गफाटकविहीनमहाराष्ट्रनिर्माणं सर्वोच्चप्राथमिकतया स्वीकृतम्। राज्ये समग्रतया ५२४ रेलमार्गफाटकानि सन्ति। तेषु दशसहस्राधिकवाहनागमनयुक्तेषु फाटकेषु अन्येषु च स्थलेषु समग्रतया १४५ रेलमार्गोपरिसेतूनां निर्माणाय अनुमोदनं प्रदत्तम्। एताः सर्वाः परियोजनाः आगामिषु त्रिषु वर्षेषु महारेल संस्थया सम्पन्नाः भविष्यन्ति।
मुख्यमन्त्री अवदत् यत् नागपुरनगरस्य तदुपकण्ठक्षेत्राणां च विशालपरिमाणेन आधारभूतसुविधानां विकासेन औद्योगिकविकासः प्रोत्साहितः अस्ति। अन्ताराष्ट्रियस्तरस्य शैक्षणिकसुविधाः उपलब्धाः अभवन्, येन रोजगारावसराः वर्धिताः तथा सामाजिक आर्थिकविकासयोः गतिः प्रवर्धिता। सः एतदपि घोषितवान् यत् भगवान् संभवनाथ चौकात् डिप्टी सिग्नल मार्गपर्यन्तस्य रेलमार्गोपरिसेतोः नाम पूर्वमहापौर बाहरीनबाई सोनबोईर इत्यस्याः नाम्ना स्थापितं भविष्यति।
कार्यक्रमे राज्यस्य राजस्वमन्त्री तथा नागपुरस्य पालकमन्त्री चन्द्रशेखर बावनकुळे, वित्तराज्यमन्त्री अधिवक्ता आशीष जयस्वाल, विधायकौ कृष्णा खोपड़े तथा चरणसिंह ठाकुर, महापौरा नीता ठाकरे, स्थायीसमितेः अध्यक्षा शिवानी दाणी, महाराष्ट्र रेल इन्फ्रास्ट्रक्चर डेवलपमेंट कॉर्पोरेशन लिमिटेड महारेल इत्यस्य महाप्रबन्धकः राजेशकुमार जयस्वालो, दयाशङ्कर तिवारी, नगरनिगमस्य जनप्रतिनिधयः तथा बहुसंख्यकाः नागरिकाः उपस्थिताः आसन्।
---------------
Hindusthan Samachar / Dheeraj Maithani