जयपुरनगरम्, १८ जुलाईमासः (हि.स.)। राष्ट्रिय-लोकतान्त्रिक-पक्षस्य सर्वोच्च-नेता नागौर-सांसदः हनुमान-बेनीवालः स्वस्य सुरक्षा-व्यवस्थां प्रति राजस्थान-आरक्षक-विभागस्य कतिपय-अधिकारिणां विरुद्धं गम्भीरान् आरोपान् कृतवान्। तेन उक्तं यत् कतिपयानां आरक्षक-अधिकारिणां हठधर्मिता दुर्भावनापूर्णा कार्यशैली च कारणीभूता, येन स्वसुरक्षायां नियुक्तम् एकम् आरक्षकं शनिवासरे आरक्षित-आरक्षक-पङ्क्तिं प्रति प्रेषितवान्।

बेनीवालेन आरोपः कृतः यत् नागौर-जनपदे, यत्र अधुना आरक्षक-अधीक्षकः नास्ति, तत्र आरक्षक-व्यवस्थां सञ्चालयद्भिः अधिकारिभिः तथा आरक्षित-आरक्षक-पङ्क्तेः उत्तरदायिभिः कर्मिभिः जानीपूर्वकं गम्भीर-रोगैः पीडितानां आरक्षकाणां नियुक्तिः तस्य सुरक्षायां कृता। तेन एतत् न केवलं स्वसुरक्षायाः उपेक्षा इति उक्तम्, अपितु सम्भावितायाः अप्रिय-घटनायाः अथवा आरक्षकस्य स्वास्थ्य-सङ्कटस्य परिस्थितौ स्वयम् अनावश्यकतया उत्तरदायी इति प्रदर्श्य तस्य सार्वजनिक-प्रतिमां कलुषितुं प्रयासः क्रियते इत्यपि आरोपितम्।

सांसदः बेनीवालः अवदत् यत् अस्य सम्पूर्णस्य प्रकरणस्य विषये सः केन्द्रीय-गृहमन्त्रिणं अमित-शाहं राजस्थानस्य मुख्यमन्त्रिणं भजनलाल-शर्माणं च पत्रेण अवगतवान् तथा अस्मिन् प्रकरणे हस्तक्षेपस्य आग्रहम् अकरोत्।

तेन अपि उक्तं यत् पूर्वं तस्मै सुरक्षा प्रदत्ता आसीत्, किन्तु अद्यावधि तस्मै एतन्न सूचितं यत् कस्मात् तस्मै भय: आसीत्। यदा सुरक्षा प्रत्याहृता तदा तस्य कारणमपि न स्पष्टीकृतम्। बेनीवालेन प्रश्नः उत्थापितः यत् यदि पूर्वं तस्मै भय: आसीत्, तर्हि तत् अधुना कथं समाप्तम्, सुरक्षा-निरसनस्य आधारः च कः आसीत्?

बेनीवालः अवदत् यत् एषः विषयः केवलं तस्य व्यक्तिगत-सुरक्षायाः न, अपितु लोकतान्त्रिक-व्यवस्थायाः जन-प्रतिनिधीनां सुरक्षा-प्रणाल्याः च सम्बद्धः गम्भीरः विषयः अस्ति। अस्मिन् विषये सर्वकारेण सम्बन्धित-अधिकारिभिश्च स्पष्टम् उत्तरं दातव्यम्।

Hindusthan Samachar / Divya Ranjan