बीकानेरम्, 20 जुलाईमासः (हि.स.)। देशस्य विभिन्नराज्येभ्यः आगताः एकनवतिः कृषकाः पशुपालकाश्च एसकेआरएयू मध्ये आयोजिते सप्तदिवसीयप्रशिक्षणे वैज्ञानिकपद्धत्या मेषपालनम् अजपालनं च कुर्वन्तः उद्यमिताविकासस्य उपायान् अशिक्षन्त।

प्रशिक्षणस्य सोमवासरे कृषिमहाविद्यालयस्य सभागारे समापनसमारोहः आयोजितः। कृषिमहाविद्यालयस्य अधिष्ठाता डा विजयप्रकाशः समापनसमारोहे प्रतिभागिनां उत्साहवर्धनम् अकरोत्। सः उक्तवान् यत् मेषपालनम् अजपालनं च ग्रामीणार्थव्यवस्थायाः समृद्धेः आत्मनिर्भरतायाश्च आधारः स्तः।

राजस्थानस्य इव पशुधनप्रधाने राज्ये वैज्ञानिकं मेषपालनम् अजपालनं च कृषकाणाम् आयवृद्धौ, युवभ्यः स्वरोजगारावसरनिर्माणे, ग्रामीणार्थव्यवस्थायाः सुदृढीकरणे च महत्त्वपूर्णां भूमिकां निर्वहितुं शक्नोति। सः प्रतिभागिनः आहूतवान् यत् प्रशिक्षणकाले अर्जितं वैज्ञानिकज्ञानम्, आधुनिकप्रबन्धनप्रौद्योगिकीः, नवाचारांश्च स्वस्वक्षेत्रेषु व्यवहारिकरूपेण अपनयन्तु।

कार्यक्रमस्य प्रभारी डा शङ्करलालः प्रशिक्षणकार्यक्रमस्य प्रतिवेदनं प्रस्तुतवान्। तेन उक्तं यत् सप्तदिनेषु प्रतिभागिभ्यः वैज्ञानिकमेषपालनस्य अजपालनस्य च विविधविषयेषु यथा उन्नतवंशचयनम्, आवासप्रबन्धनम्, सन्तुलितपोषणम्, प्रजननप्रबन्धनम्, स्वास्थ्यरोगनियन्त्रणम्, चारा उत्पादनम्, आर्थिकप्रबन्धनम्, मूल्यसंवर्धनम्, विपणनम्, उद्यमिताविकासश्च इत्येषु व्यावहारिकं प्राविधिकं च प्रशिक्षणं विशेषज्ञवैज्ञानिकैः प्रदत्तम्। प्रतिभागिनः आधुनिकमेषाजपालनकेन्द्राणां भ्रमणमपि कारितवन्तः, यत्र तैः सफलपशुपालनप्रतिमानानाम्, आधुनिकप्रबन्धनप्रणालीनाम्, उन्नतप्रौद्योगिकीनां च प्रत्यक्षानुभवः प्राप्तः। अनेन प्रतिभागिनः स्वस्वक्षेत्रेषु वैज्ञानिकपद्धतीः स्वीकृत्य सफलान् पशुधनोद्यमान् स्थापयितुं समर्थाः भविष्यन्ति। तेन कृषकान् केवलं पारम्परिकपशुपालनपर्यन्तं न सीमिताः भवितुम्, अपितु मांसस्य, दुग्धस्य, ऊर्णायाः, अन्येषां च उत्पादानां मूल्यसंवर्धने प्रभाविविपणने च विशेषं ध्यानं दातुम् आग्रहः कृतः।

सहायकाचार्यः डा कुलदीपप्रकाशशिण्डे धन्यवादज्ञापनम् अकरोत्।

प्रशिक्षणसमाप्तेः अनन्तरं प्रतिभागिभ्यः प्रमाणपत्राणि वितरितानि। अस्मिन् अवसरे विश्वविद्यालयस्य वैज्ञानिकाः, विभागाध्यक्षाः, सङ्कायसदस्याः, शोधार्थिनः, प्रशिक्षणार्थिनश्च उपस्थिताः आसन्।

---------------

Hindusthan Samachar / Dheeraj Maithani