Enter your Email Address to subscribe to our newsletters
नवदेहली, २० जुलाईमासः (हि.स.)। सार्वजनिक-क्षेत्रस्य इण्डियन-ओवरसीज-धनागारेण चलित-वित्तीय-वर्षस्य २०२६-२७ प्रथम-त्रैमासिकस्य (अप्रैल-जूनमासयोः) वित्तीय-परिणामाः घोषिताः। धनागारस्य अप्रैल-जून-त्रैमासिके शुद्ध-लाभः ४९.३ प्रतिशतेन वर्धमानः १,६५९ कोटि-रूप्यकाणि अभवत्।
धनागारेण सोमवासरे अंश-विपण्यै प्रदत्तायां सूचनायां उक्तं यत् मुख्यतया सम्पत्ति-गुणवत्तायाः सुधारेण प्रथम-त्रैमासिके धनागारस्य शुद्ध-लाभः वर्धितः। गत-वित्तीय-वर्षस्य २०२५-२६ अप्रैल-जून-त्रैमासिके धनागारस्य शुद्ध-लाभः १,१११ कोटि-रूप्यकाणि आसीत्। अस्मिन् त्रैमासिके धनागारस्य आयः वर्धमाना १०,९३८ कोटि-रूप्यकाणि अभवत्, या गत-वित्तीय-वर्षस्य तस्मिन्नेव अवधौ ८,८६६.४७ कोटि-रूप्यकाणि आसीत्।
धनागारस्य सम्पत्ति-गुणवत्तायामपि सुधारः अभवत्। सकल-अनुत्पादक-सम्पत्तीनां परिमाणं न्यूनीभूय १.३३ प्रतिशतं जातम्, यत् गत-वित्तीय-वर्षे १.९७ प्रतिशतम् आसीत्। तथैव शुद्ध-अनुत्पादक-सम्पत्तीनां परिमाणमपि न्यूनीभूय ०.१८ प्रतिशतं जातम्, यत् एक-वर्षपूर्वं तस्मिन्नेव त्रैमासिके ०.३२ प्रतिशतम् आसीत्।
Hindusthan Samachar / Divya Ranjan