Enter your Email Address to subscribe to our newsletters
रॉकिङ्गस्टार यशस्य बहुप्रतीक्षिता चलचित्रकृतिः टॉक्सिक ए फेयरीटेल फॉर ग्रोन अप्स इति विषये दर्शकाणाम् उत्साहः निरन्तरं वर्धते। अधुना निर्मातृभिः चलचित्रस्य नूतनः प्रभावशाली प्रचारचित्रः प्रकाशितः तथा च तस्य पूर्वदृश्यस्य प्रदर्शने दिनाङ्कोऽपि घोषितः। चलचित्रस्य पूर्वदृश्यं ८ अगस्त २०२६ दिनाङ्के प्रदर्श्यते। नवीनप्रचारचित्रे यशः स्वस्य राया इति पात्रे रहस्यमयरूपेण दृश्यते, येन सामाजिकमाध्यमेषु प्रशंसकानां मध्ये नूतना चर्चा प्रवर्तिता।
प्रचारचित्रे केवलं यशस्य छायारूपमेव प्रदर्शितम् अस्ति, यस्य हस्ते टॉमी गन अस्ति। निर्मातृभिः अस्मिन्नपि समये चलचित्रस्य कथावस्तुनः रहस्यं न उद्घाटितम्, अपितु तदेव संरक्ष्य दर्शकाणां कौतूहलं अधिकं वर्धितम्। पूर्वं प्रकाशितेषु पूर्वावलोकनेषु प्रचारचित्रेषु च यथा महान् प्रतिसादः प्राप्तः, तथैव अस्य नवीनप्रचारचित्रस्यापि सामाजिकमाध्यमेषु व्यापकः प्रतिसादः दृश्यते। प्रशंसकाः चलचित्रस्य कथां यशस्य पात्रं च विषये विविधान् अनुमानान् कुर्वन्ति।
चलचित्रस्य पूर्वदृश्यस्य विमोचनं बङ्गलूरुनगरे भव्यकार्यक्रमे भविष्यति। अयं दिवसः विशेषमहत्त्वयुक्तः अस्ति, यतः ८ अगस्तदिनाङ्के टॉक्सिक चलचित्रस्य चित्रग्रहणस्य द्विवर्षपूर्तिः भविष्यति। पूर्वदृश्येन प्रथमवारं चलचित्रस्य जगतः, पात्राणां कथायाश्च विस्तृतदर्शनं दर्शकेभ्यः भविष्यतीति मन्यते।
गीतूमोहनदासस्य निर्देशनाधीने निर्मिते अस्मिन् ग्याङ्ग्स्टरप्रधानचलचित्रे यशेन सह नयनतारा, कियारा आडवाणी, तारा सुतारिया, रुक्मिणी वसन्त, हुमा कुरैशी च प्रमुखभूमिकासु दृश्यन्ते।
केवीएन प्रोडक्शन्स तथा मॉन्स्टर माइण्ड क्रिएशन्स इत्येतयोः निर्माणसंस्थयोः बैनराधीने निर्मितम् एतच्चलचित्रं कन्नड आङ्ग्लभाषयोः समकालमेव चित्रितम् अस्ति। तत् हिन्दी तमिळ तेलुगु मलयाळम् भाषासु अपि प्रदर्श्यते। टॉक्सिक ए फेयरीटेल फॉर ग्रोन अप्स इति चलचित्रं २०२६ तमस्य वर्षस्य अगस्तमासस्य २६ दिनाङ्के विश्वस्य विविधेषु चलचित्रगृहेषु प्रदर्शितं भविष्यति।
Hindusthan Samachar / Dheeraj Maithani