Enter your Email Address to subscribe to our newsletters
नवदिल्ली, ११ अगस्तमासः (हि.स.)। प्रधानमन्त्री नरेन्द्र-मोदी मङ्गलवासरे देशवासिभ्यः अगस्तमासस्य १५ दिनाङ्के स्वातन्त्र्यदिवसं पूर्णोत्साहेन गौरवेण च आचरितुं तथा ‘हर घर तिरङ्गा’ अभियानस्य सहभागितां कर्तुम् आह्वानं कृतवान्।
प्रधानमन्त्रिणा इन्स्टाग्राम-माध्यमेन एकं दृश्यम् प्रकाशितं कृत्वा उक्तं— “आगच्छन्तु, अगस्तमासस्य १५ दिनाङ्कं गौरवेण उत्साहेन च आचरामः, स्वातन्त्र्यसेनानीभ्यः श्रद्धाञ्जलिं समर्पयामः तथा विकसित-भारतस्य सङ्कल्पं स्वीकरोमः।”
तेन देशवासिभ्यः प्रत्येकस्मिन् गृहे तिरङ्गध्वजं आरोपयितुं आह्वानं कुर्वता उक्तम्— “हर घर तिरङ्गा, घर-घर तिरङ्गा, हर मन तिरङ्गा। आगच्छन्तु, प्रत्येकस्मिन् गृहे त्रिरङ्गध्वजं प्रसारयामः।”
प्रधानमन्त्रिणा देशवासिभ्यः स्वातन्त्र्य-सेनानीनां बलिदानं स्मर्तुं, राष्ट्रध्वजं प्रति सम्मानं प्रकटयितुं तथा स्वातन्त्र्यदिवसस्य समारोहं सहभागीभूय आचरितुं च आह्वानं कृतम्।
Hindusthan Samachar / Divya Ranjan