Enter your Email Address to subscribe to our newsletters
सुपौलः, 12 अगस्तमासः (हि.स.)।
“प्रतिगृहे त्रिवर्णध्वजः अभियान २०२६” इत्यस्य अन्तर्गतं सुपौलजनपदप्रशासनस्य तत्वावधाने बुधवासरे भव्यत्रिवर्णध्वजयात्रा आयोजिता। पूर्वाह्ने नववादने लोहियानगरचौकात् प्रारब्धा त्रिवर्णध्वजयात्रा स्टेशनचौकं, महावीरचौकं, अम्बेडकरचौकं च अतिक्रम्य गान्धीमैदानं प्राप्त्वा सम्पन्ना।
त्रिवर्णध्वजयात्रायां जिलाधिकारी सावनकुमारः, पुलिसाधीक्षकः शरथ आर. एस., उपविकासायुक्तः इन्द्रवीरकुमारः सहितं जनपदस्तरीयाः सर्वे अधिकारिणः कर्मचारिणश्च, जनप्रतिनिधयः, स्काउट गाइड इत्येतयोः छात्रछात्राः, विभिन्नविद्यालयानां विद्यार्थिनः, एएनएम् कर्मिणः, बहुसंख्यकाः सामान्यजनाश्च सम्मिलिताः। हस्तेषु त्रिवर्णध्वजं धृत्वा निर्गतेषु जनानां मनसि देशभक्तेः उत्साहः द्रष्टुं शक्यते स्म। यात्रायाः अवधौ भारतमातुः जयघोषैः देशभक्तिपरैः घोषैश्च नगरस्य वातावरणं गुञ्जितम् अभवत्।
बहुसंख्यकानां विद्यार्थिनां सामान्यजनानां च सहभागितया कार्यक्रमः भव्यः अभवत्। त्रिवर्णध्वजयात्रायाः माध्यमेन सामान्यजनानां कृते राष्ट्रियध्वजस्य सम्मानस्य, देशभक्तेः, राष्ट्रियैकतायाः अखण्डतायाश्च सन्देशः प्रदत्तः।
जिलाप्रशासनेन जनानाम् आग्रहः कृतः यत् “हरेकं गृहे त्रिवर्णध्वजः” अभियानस्य अन्तर्गतं स्वगृहेषु राष्ट्रियध्वजम् आरोप्य स्वातन्त्र्यदिवसस्य अवसरे राष्ट्रप्रेम्णः भावनां सुदृढां कुर्वन्तु। त्रिवर्णध्वजयात्रायां नगरस्य नागरिकैः जनप्रतिनिधिभिश्च अपि उत्साहपूर्वकं सहभागिता कृता। “वन्दे मातरम्” “भारत माता की जय” इत्येतयोः घोषैः सम्पूर्णं नगरं गुञ्जितम् अभवत्।
Hindusthan Samachar / Dheeraj Maithani