औरैया, 12 अगस्तमासः (हि.स.)।

उत्तरप्रदेशस्य औरैयाजनपदस्य तिलक इन्टर कालेजे बुधवासरे योगवेलनेसकेन्द्रस्य गतिविधीनाम् अन्तर्गतं सामूहिकयोगाभ्यासकार्यक्रमः आयोजितः। कार्यक्रमे प्रायः अष्टादशशतं छात्रछात्राभिः सह विद्यालयपरिवारस्य सदस्यैरपि उत्साहपूर्वकं सहभागिता कृता।

कार्यक्रमस्य उद्देश्यं विद्यार्थिभ्यः स्वस्थशरीरस्य महत्त्वं ज्ञापयित्वा तेषां सर्वाङ्गीणविकासाय योगं दैनिकजीवनस्य भागरूपेण स्वीकरितुं प्रेरयितुम् आसीत्। योगप्रशिक्षकः योगेन्द्रकुमारमिश्रः छात्रछात्राभ्यः दीर्घायुषि सहजतया स्वस्थं स्थातुं शरीरस्य लचीलतां च संरक्षितुं विविधाः व्यावहारिकाः उपायाः ज्ञापितवान्।

योगप्रशिक्षकेन विद्यार्थिभ्यः उत्कटासनस्य पादहस्तासनस्य च अभ्यासस्य विधिः बोधिता। ततः छात्रछात्रैः सामूहिकरूपेण पादहस्तासनस्य अभ्यासः कृतः।

योगेन्द्रकुमारमिश्रः अवदत् यत् नियमितयोगाभ्यासः शरीरं स्वस्थं स्थापयितुं सहायकः भवति, तथैव शारीरिकलचीलतां, सन्तुलनं, कार्यक्षमतां च वर्धयितुमपि सहायकः अस्ति।

तेन उक्तं यत् वर्तमानसमये विद्यार्थिभ्यः योगस्य व्यायामस्य च अत्यन्तम् आवश्यकता अस्ति। नियमितयोगाभ्यासेन शरीरं मनश्च उभे स्वस्थे स्थापयितुं साहाय्यं भवति। अस्मिन् अवसरे विद्यार्थिनः योगं स्वदैनिकचर्यायां समावेशयितुं प्रेरिताः। विद्यालयपरिवारस्य सदस्यैरपि योगाभ्यासे सहभागिता कृत्वा स्वस्थजीवनशैल्याः स्वीकरणस्य सन्देशः प्रदत्तः।

---------------

Hindusthan Samachar / Dheeraj Maithani