अंताराष्ट्रिय युवा दिवसे 200 छात्र-छात्राः मानवश्रृंखलां निर्माय दत्तः स्वच्छतायाः संदेशः

प्रयागराजः, 12 अगस्तमासः (हि.स.)। “

“युवाः देशस्य स्पन्दनम् सन्ति। यथा वायुम् कोऽपि निवारयितुं न शक्नोति, तथैव युवाशक्तिरपि असीमा परिवर्तनस्य च शक्तिरस्ति।” इति वचनं सृष्टि वेस्ट मैनेजमेंट सर्विस प्राइवेट लिमिटेड इत्यस्य सूचना शिक्षण सञ्चार प्रमुखः कृष्णकुमारमौर्यः अन्तर्राष्ट्रीययुवादिवसस्य अवसरे उक्तवान्।

तेन युवकेभ्यः स्वच्छतायाः सन्देशं परिवारं विद्यालयं समाजं च प्रति प्रसारयितुम् आह्वानं कृतम्। सः बुधवासरे अवदत् यत् गृहेषु तस्य समीपवर्तिषु च स्थलेषु उत्पद्यमानं कचरा स्रोतसि एव निर्धारितवर्गेषु पृथक् कर्तुं स्वच्छताव्यवस्थायाः प्रथमं सर्वाधिकं च महत्त्वपूर्णं सोपानम् अस्ति। छात्रछात्राभ्यः कचरापृथक्करणस्य, स्वच्छतायाः, पर्यावरणसंरक्षणस्य, उत्तरदायिनां नागरिकाणां रूपेण तेषां भूमिकायाश्च विषये जागरूकता प्रदत्ता। मानवशृङ्खलायाः माध्यमेन विद्यार्थिभिः स्वच्छतायाः सन्देशं जनजनं प्रति प्रसारयितुं सङ्कल्पः कृतः।

नगरनिगमप्रयागराजस्य तर्फेण जोन अष्टमस्य झूंसीस्थे लालमनमोहनदास इन्टर कालेजे बुधवासरे विशेषजागरूकताकार्यक्रमः आयोजितः। कार्यक्रमे प्रायः द्विशतं छात्रछात्राः मानवशृङ्खलां निर्माय स्वच्छतायाः, जागरूकतायाः, उत्तरदायिनः नागरिकस्य च सन्देशं प्रसारितवन्तः। विद्यार्थिभिः स्वच्छप्रयागराजस्य निर्माणे सक्रियसहभागितायाः सङ्कल्पोऽपि कृतः।

विद्यालयस्य प्रधानाचार्यः डॉ निरञ्जनसिंहः अवदत् यत् युवाशक्तिः देशस्य सर्वाधिकमहत्त्वपूर्णा शक्तिः अस्ति। युवाभिः स्वशक्तेः क्षमतायाश्च उपयोगः सकारात्मककार्येषु करणीयः। तेन छात्रछात्राभ्यः स्वपरितः स्थितान् जनान् स्वच्छतायाः प्रति जागरूकान् कर्तुं नगरं च स्वच्छं कर्तुं योगदानं दातुम् आग्रहः कृतः।

कार्यक्रमे सृष्टि वेस्ट मैनेजमेंट सर्विस प्राइवेट लिमिटेड इत्यस्य अशोककुमारपटेलः राजेन्द्रतिवारी च भारतसर्वकारस्य नूतननिर्देशानुसारं चतुर्षु वर्गेषु कचरस्य पृथक्पृथक् स्थापनस्य व्यवस्थायाः विषये सूचना दत्तवन्तौ।

कार्यक्रमस्य माध्यमेन एषः सन्देशः प्रदत्तः यत् युवानां सक्रियसहभागितया स्वच्छतां जनान्दोलनरूपेण परिणेतुं शक्यते। युवाशक्तिः स्वच्छताभियानस्य सुदृढा कडी भूत्वा स्वच्छप्रयागराजस्य निर्माणे महत्त्वपूर्णां भूमिकां निर्वोढुं शक्नोति।

---------------

Hindusthan Samachar / Dheeraj Maithani