नवदिल्ली, 13 अगस्तमासः (हि.स.)।दिल्ली प्रीमियर लीग २०२६ मध्ये बुधवासरे साउथ दिल्ली सुपरस्टार्ज् इत्येतत् दलं उत्कृष्टं प्रदर्शनं कृत्वा ईस्ट दिल्ली राइडर्स् इत्येतत् दलं नवभिः विकेटैः पराजितवान्। दलस्य नायकः आयुषबडोनी विजयस्य अनन्तरं दलस्य सकारात्मकदृष्टिकोणस्य दृढतया पुनरागमनस्य क्षमतायाश्च प्रशंसां कृतवान्।

बडोनीः सामनानन्तरं उक्तवान्, ‘‘एषः विजयः अस्माकं कृते अतीव उत्तमः अस्ति। वयं प्रथमयोः द्वयोः सामनयोः पराजिताः आस्म, किन्तु सम्पूर्णसमये दलस्य वातावरणं सकारात्मकम् आसीत्। अस्माकं दलस्य सर्वश्रेष्ठं वैशिष्ट्यम् एतदेव यत् वयं सदैव सकारात्मकाः भवामः तथा पुनरागमनं कथं कर्तव्यम् इति जानीमः। अद्य वयं तत् कृत्वा दर्शितवन्तः।’’

सः विजयस्य आधारं निर्मितवत्याः सलामीसाझेदारीमपि प्रशंसितवान्। बडोनीः उक्तवान्, ‘‘सलामीक्रीडकाभ्यां विजयस्य कृते उत्तमः आधारः निर्मितः। सनत् अनमोलश्च उभौ अतीव उत्तमं फलन्दनं कृतवन्तौ तथा ताभ्यां यत् अपेक्षितम् आसीत् तदनुसारं प्रदर्शनं कृतम्।’’

आगत्यैव बडोनीः परिवर्तितवान् सामनस्य प्रवाहम्

बडोनीः स्वस्य आक्रामकफलन्दनस्य विषये उक्तवान् यत् क्रीडाङ्गणं फलन्दनाय अनुकूलम् आसीत् तथा दीर्घं फलन्दनक्रमं दृष्ट्वा तेन धावनगतेः वर्धनस्य निर्णयः कृतः।

सः उक्तवान्, ‘‘यदा अहं फलन्दनाय आगतवान् तदा मया अनुभूतं यत् क्रीडाङ्गणं फलन्दनाय उत्तमम् अस्ति। अस्माकं दीर्घः फलन्दनक्रमः अस्ति, अतः मया धावनगतेः वर्धनस्य विचारः कृतः।’’

बडोनीः स्वकीयायां पारीमध्ये निरन्तरं त्रयः षट्कारान् कृत्वा सामनस्य प्रवाहं पूर्णतया स्वदलस्य पक्षे परिवर्तितवान्।

साउथ दिल्ली दलस्य तीव्रगतिकन्दुकक्षेपकस्य अंशुमानहुड्डस्य प्रशंसां कुर्वन् बडोनीः उक्तवान्, ‘‘अंशुमानः अस्माकं कृते अत्यन्तम् आक्रामकः कन्दुकक्षेपकः अस्ति। सः महत्त्वपूर्णेषु अवसरषु विकेट् प्राप्नोति तथा अहं प्रसन्नः अस्मि यत् सः अस्माकं दलस्य सदस्यः अस्ति। मम मतम् अस्ति यत् तस्य पर्पलकैप् प्राप्तुं उत्तमः अवसरः अस्ति। अहं तस्मै शुभकामनाः ददामि।’’

हुड्डस्य चत्वारः विकेट्, ईस्ट दिल्लीदलेन १९१ धावनाङ्काः

सामने प्रथमं फलन्दनं कुर्वन् ईस्ट दिल्ली राइडर्स् दलं विंशतिः षट्केषु षड्विकेट् हान्या १९१ धावनाङ्कान् अकरोत्। सलामीफलन्दकः वंशमेहरः षोडशसु कन्दुकेषु सप्तविंशतिधावनाङ्कान् कृत्वा अर्पितराणेन सह दलाय उत्तमम् आरम्भं प्रदत्तवान्। किन्तु मध्यक्रमे निरन्तरं विकेट् पतितेषु राइडर्स् दलस्य स्थितिः १०२ धावनाङ्केषु चत्वारि विकेट् इति अभवत्।

ततः सुजलसिंहेन नाबाद् त्रिषष्टिधावनाङ्कानां पारी कृत्वा दलं सम्भालितम्। सः एकोनचत्वारिंशत् कन्दुकानां सामना कृतवान्। सुजलेन सूर्यांशरैनया सह पञ्चमविकेट् कृते अष्टपञ्चाशत् धावनाङ्कानां साझेदारी कृता तथा दलं १९० धावनाङ्कानां समीपं नीतम्। साउथ दिल्ली दलस्य अंशुमानहुड्डेन चतुषु षट्केषु चतुस्त्रिंशत् धावनाङ्कान् दत्त्वा चत्वारि विकेट् प्राप्तानि।

सनत् अनमोलश्च विजयस्य दृढमाधारं निर्मितवन्तौ

१९२ धावनाङ्कानां लक्ष्यस्य अनुसरणं कुर्वन् साउथ दिल्ली सुपरस्टार्ज् दलस्य आरम्भः अतीव उत्तमः अभवत्। सनतसङ्गवानः अनमोलशर्मा च प्रथमविकेट्कृते केवलं एकादशेषु षट्केषु ११३ धावनाङ्कानां सहकारितां कृतवन्तौ। सनतेन त्रयस्त्रिंशत् कन्दुकेषु सप्तपञ्चाशत् धावनाङ्काः प्राप्ताः।

सनतस्य निष्क्रमणानन्तरं नायकः बडोनीः मोर्चां सम्भाल्य आगत्यैव आक्रामकरूपम् अवलम्बितवान्। बडोनीः अनमोलशर्मा च मिलित्वा दलं लक्ष्यपर्यन्तं नीतवन्तौ। साउथ दिल्ली सुपरस्टार्ज् दलं त्रिभ्यः षट्केभ्यः अधिकं समयं शेषं स्थापयित्वा नवभिःदंडैः उत्तमं विजयं प्राप्तवान्।

---------------

Hindusthan Samachar / Dheeraj Maithani