नवदिल्ली, १६ अगस्तमासः (हि.स.)। दिल्ली-सर्वकारस्य कथनमस्ति यत् रविवासरे तिमारपुरतः २५ नूतनानाम् अटल-कैण्टीन-भोजनालयानाम् उद्घाटनेन राजधानीनगरे १०० अटल-कैण्टीन-भोजनालयानां स्थापनायाः संकल्पः पूर्णः अभवत्। सर्वकारस्य कथनानुसारं भारतरत्नेन सम्मानितस्य पूर्वप्रधानमन्त्रिणः अटल-बिहारी-वाजपेयी-महोदयस्य जन्मदिवसे २५ दिसम्बर २०२५ दिनाङ्के १०० अटल-कैण्टीन-भोजनालयानां स्थापनायाः यः संकल्पः कृतः आसीत्, सः अद्य तस्य पुण्यतिथौ पूर्णतां प्राप्तवान्।

पूर्वोपप्रधानराष्ट्रपतिः वेंकैया-नायडू-महोदयः रविवासरे तिमारपुरतः २५ नूतनानाम् अटल-कैण्टीन-भोजना-लयानाम् उद्घाटनं कृत्वा तान् दिल्लीवासिनां सेवायै समर्पितवान्। अस्मिन् अवसरे दिल्ली-मुख्यमन्त्री रेखा-गुप्ता, दिल्ली-शिक्षामन्त्री आशीष-सूदः, भारतीय-जनता-पक्षस्य सांसदः मनोज-तिवारी, विधायकः सूर्यप्रकाश-खत्री च उपस्थिताः आसन्।

मुख्यमन्त्रिण्या उक्तं यत् अद्यारभ्य एतेषां १०० अटल-कैण्टीन-भोजनालयानां माध्यमेन प्रतिदिनं प्रायः एकलक्षं श्रमिकेभ्यः आवश्यकताग्रस्त-कुटुम्बेभ्यश्च केवलं पञ्चरूप्यकेण पौष्टिकं भोजनं प्रदास्यते। एतेन सह दिल्लीवासिभ्यः कृतम् अपरम् एकं वचनमपि अस्माकं सर्वकारेण पूर्णं कृतम् अस्ति।

Hindusthan Samachar / Divya Ranjan