Enter your Email Address to subscribe to our newsletters
- 12तमं पर्यावरणमंत्रिणाम् उपवेशनं श्वः
नव दिल्ली, 17 अगस्तमासः (हि.स.)। भारतस्य ब्रिक्स अध्यक्षता २०२६ अन्तर्गतं पर्यावरणकार्यसमूहस्य तथा जलवायुपरिवर्तनस्य सततविकासस्य च सम्पर्कसमूहस्य वरिष्ठाधिकारिणां उपवेशनं सोमवासरे भारतमण्डपे अभवत्। उपवेशनस्य अध्यक्षतां पर्यावरणवनजलवायुपरिवर्तनमन्त्रालयस्य सचिवः तन्मयकुमारः अकरोत्। अस्मिन् उपवेशने ब्रिक्सस्य सदस्यदेशानां ब्राजीलदेशस्य, चीनदेशस्य, मिस्रदेशस्य, इथियोपियादेशस्य, इण्डोनेशियादेशस्य, ईरानदेशस्य, रूसदेशस्य, दक्षिणाफ्रिकादेशस्य तथा संयुक्तारबअमीरातदेशस्य प्रतिनिधयः सहभागं कृतवन्तः।
उपवेशने पर्यावरणसंरक्षणेन, जलवायुपरिवर्तनेन तथा सततविकासेन सम्बद्धानां सामान्यविषयाणां विषये विस्तरेण विचारविमर्शः कृतः। अस्मिन् अवसरे तन्मयकुमारः उक्तवान् यत् विगतेषु द्विदशकेषु ब्रिक्स आर्थिकसहयोगस्य मञ्चात् अग्रे गत्वा प्रदूषणस्य, जैवविविधतायाः ह्रासस्य तथा वैश्विकतापवर्धनस्य इत्यादीनां पर्यावरणीयचुनौतीनां निवारणाय महत्त्वपूर्णसहयोगमञ्चरूपेण उद्भूतम् अस्ति।
सः उक्तवान् यत् ब्रिक्सस्य सहयोगः अधुना जलवायुसहनशीलतायाः अनुकूलनस्य च सह संसाधनदक्षता, परिपत्रार्थव्यवस्था तथा पर्यावरणीयशासनम् इत्यादिषु क्षेत्रेषु अपि विस्तारितः अस्ति।
भारतस्य अध्यक्षतायां चत्वारः प्रमुखाः क्षेत्राः प्राथमिकतया निर्धारिताः सन्ति। तेषु सततजीवनशैल्याः प्रोत्साहनम्, वनीकरणं तथा वनाग्निप्रबन्धनेन सह आपदासहनशीलता, परिपत्रार्थव्यवस्था तथा जलवाय्वनुकूलनम् इति प्रमुखानि क्षेत्राणि सन्ति।
उपवेशने सूचितं यत् भारतस्य अध्यक्षतायाः प्रारम्भानन्तरं सदस्यदेशानां मध्ये अद्यावधि एकविंशतिः आभासीयविषयगताः तथा संवादात्मकाः उपवेशनाः, दश द्विपक्षीयपरामर्शाः, द्वौ विषयगतसंवादौ तथा द्वौ तकनीकीजालसङ्गोष्ठ्यौ आयोजितौ सन्ति।
अधिकारिभिः उक्तं यत् जलवायुसहनशीलता, पारिस्थितिकतन्त्रस्य पुनर्स्थापनम्, संसाधनदक्षता तथा सततविकासः परस्परसम्बद्धाः विषयाः सन्ति। एतासां चुनौतीनां समाधानाय एकीकृतः समग्रश्च दृष्टिकोणः स्वीकरणीयः अस्ति।
सदस्यदेशानां प्रतिनिधिमण्डलैः भारतस्य सफलब्रिक्सअध्यक्षतायाः प्रशंसा कृता। परस्परसमादरस्य, विश्वासस्य तथा सहमतिमूलकनिर्णयप्रक्रियायाः आधारेण सम्पन्नानां चर्चानां च प्रतिनिधिभिः प्रशंसा कृता।
ब्रिक्सस्य द्वादशी पर्यावरणमन्त्रिणां उपवेशनं मङ्गलवासरे, अगस्तमासस्य अष्टादशे दिनाङ्के, नवदिल्ल्यां आयोजयिष्यते।--------
Hindusthan Samachar / Dheeraj Maithani