Enter your Email Address to subscribe to our newsletters
कोलकाता, 27 अगस्तमासः (हि.स.)।न्यूटाउन्-नगरे सूचनाप्रौद्योगिकीक्षेत्रस्य कम्पनी एल्-एण्ड्-टी इत्यस्य नूतनस्य विशालस्य कार्यालयपरिसरस्य ‘आनन्दनिकेतनम्’ इति नामकस्य गुरुवासरे मुख्यमन्त्री शुभेन्दु-अधिकारी महोदयेन उद्घाटनं कृतम्। तेन दीपप्रज्वालनं कृत्वा परिसरस्य उद्घाटनं कृतम्। प्रायः ७.४८ लक्ष-वर्गफुट्-क्षेत्रे विस्तृतः अयं कार्यालयपरिसरः राज्ये जीविकायाःनूतनान् अवसरान् जनयिष्यतीति अपेक्षा अस्ति।
उद्घाटनानन्तरं मुख्यमन्त्री अवदत् यत् न्यूटाउन्-स्थिते अस्मिन् परिसरे कुलं ५,८०० जनाः रोजगारं प्राप्स्यन्ति। पश्चिमबङ्गस्य ते कुशलाः प्रतिभावन्तश्च जनाः, ये उत्तमावसराणां अन्वेषणार्थं बेङ्गलूरुं हैदराबादं वा विदेशं गतवन्तः, ते राज्यं प्रति प्रत्यागच्छन्त्विति तेन आह्वानं कृतम्।
मुख्यमन्त्री अवदत्— “कृपया प्रत्यागच्छन्तु। अत्र द्विइञ्जिन-शासनं स्थापितम् अस्ति।”
कार्यक्रमे मुख्यमन्त्रिणः अतिरिक्तं विधायकः पीयूष-कनोरिया अपि उपस्थितः आसीत्। कार्यालयस्य उद्घाटनं कुर्वन् शुभेन्दु-अधिकारी अवदत् यत् द्विइञ्जिन-शासनं राज्यस्य विकासाय प्रतिबद्धम् अस्ति। एल्-एण्ड्-टी इत्यस्य अयं नूतनः परिसरः पश्चिमबङ्गः पुनः देशे शीर्षस्थानं प्राप्तुं शक्नोतीति सन्देशं ददाति, इति तेन उक्तम्।
मुख्यमन्त्री अवदत् यत् राज्यसर्वकारः राज्ये रोजगारस्य अवसरानां वृद्ध्यै प्रतिबद्धः अस्ति तथा च लघुउद्योगेभ्यः उद्यमेभ्यश्च अपि सर्वसम्भवं साहाय्यं प्रदास्यते। आगामिकाले पश्चिमबङ्गे अधिकाधिकं निवेशं भविष्यतीति तेन विश्वासः प्रकटितः।
शुभेन्दु-अधिकारी अवदत्— “राज्ये कुशलकर्मचारिणां किमपि न्यूनत्वं नास्ति। पूर्वतनं शासनं योग्येभ्यः जनेभ्यः सम्मानं दातुं न शक्तवान्। किन्तु अधुना परिस्थितयः परिवर्तिताः सन्ति। युवभ्यः अधुना राज्यं त्यक्तुं आवश्यकता न भविष्यति। बङ्गालस्य पुनर्निर्माणाय द्विइञ्जिन-शासनं प्रतिबद्धम् अस्ति। पश्चिमबङ्गे अधिकनिवेशः आगमिष्यतीति अस्माकं विश्वासः। पश्चिमबङ्गस्य नूतनरूपेण विकासः अस्माकं लक्ष्यं वर्तते।”
---------------