अल्मोड़ा, 05 अगस्तमासः (हि.स.)।

कलक्ट्रेटसभागारे बुधवासरे संयुक्तनिर्वाचनाधिकारी प्रकाशचन्द्रदुमका राजनैतिकदलानां प्रतिनिधिभिः सह उपवेशनम् अकरोत्। अस्मिन् उपवेशने विशेषगहनपुनरीक्षणस्य (एसआईआर) तृतीयचरणस्य कार्याणां समीक्षा कृता। अत्र मुख्यविकासाधिकारी, उपजिलाधिकारी तथा अन्ये सम्बन्धिताधिकारिणः उपस्थिताः आसन्।

दुमका अवदत् यत् प्रदेशे विशेषगहनपुनरीक्षणस्य कार्यं तृतीयचरणे प्रवर्तमानम् अस्ति। तेन दावा कृतः यत् अल्मोडाजनपदे एसआईआरस्य त्रिषु चरणेषु अन्यजनपदेभ्यः अपेक्षया श्रेष्ठं कार्यसम्पादनम् अभवत्। सः अपि अवदत् यत् प्रथमचरणे जनप्रतिनिधिभिः राजनैतिकदलैश्च प्रस्तुतानां आपत्तीनां दावानां च समाधानं सम्पन्नम् अस्ति। तेन सर्वेभ्यः मतदातृभ्यः प्रार्थना कृता यत् ते स्वीयान् आवश्यकदस्तावेजान् बीएलओ अथवा सम्बन्धिताय एईआरओ अधिकृताय समर्पयन्तु, येन दावानाम् आपत्तीनां च समये एव निस्तारणं भवेत्।

संयुक्तनिर्वाचनाधिकारी अवदत् यत् येषां पात्रमतदातॄणां नामानि प्रारूपमतदातृसूच्यां न समाविष्टानि सन्ति, ते १३ अगस्तपर्यन्तम् ऑनलाइन अथवा ऑफलाइन माध्यमेन प्रपत्रं ६ समर्प्य स्वनाम मतदातृसूच्यां संयोजयितुं शक्नुवन्ति।

उपवेशने राजनैतिकदलानां प्रतिनिधिभिः स्वीयाः सुझावाः अपि प्रस्तुताः। तैः उक्तं यत् विशेषगहनपुनरीक्षणाभियानस्य मुख्योद्देशः मतदातृसूच्याः अधिकशुद्धां पारदर्शिनीम् अद्यतनां च निर्मातुम् अस्ति। अस्य अभियानस्य अन्तर्गतं सर्वेषां पात्रमतदातॄणां नामानि सूच्यां समावेश्यन्ते तथा अपात्रनामसु नियमानुसारं कार्यवाही क्रियते।

Hindusthan Samachar / Dheeraj Maithani