Enter your Email Address to subscribe to our newsletters
गुवाहाटी, 06 अगस्तमासः (हि.स.)।
असमराज्यस्य मुख्यमन्त्री डॉ. हिमन्तबिस्वसरमा गुरुवासरे जलप्लावनप्रभावितेषु चतुर्षु जनपदेषु स्थितेभ्यः विद्यालयेभ्यः वित्तीयसहायतां प्रदास्यति। अस्मिन् अवसरे सः ‘निजुत मोइना’ तथा ‘निजुत बाबू’ इति योजनयोः आवेदनपत्रयोः अपि औपचारिकशुभारम्भं करिष्यति।
मुख्यमन्त्री अद्य एकस्मिन् कार्यक्रमे सहभागित्वा पत्रकारैः सह संवादं कुर्वन् अवदत् यत् ‘निजुत मोइना’ योजनायाः अन्तर्गतं एकादशद्वादशकक्षयोः छात्राभ्यः प्रतिमासं ८०० रूप्यकाणि, स्नातकस्तरस्य छात्राभ्यः प्रतिमासं १,२५० रूप्यकाणि तथा स्नातकोत्तरस्तरस्य छात्राभ्यः प्रतिमासं २,५०० रूप्यकाणां वित्तीयसहायता प्रदास्यते।
तथैव ‘निजुत बाबू’ योजनायाः अन्तर्गतं स्नातकस्तरस्य छात्रेभ्यः प्रतिमासं १,००० रूप्यकाणां तथा स्नातकोत्तरस्तरस्य छात्रेभ्यः प्रतिमासं २,००० रूप्यकाणां वित्तीयसहायता प्रदास्यते।
मुख्यमन्त्री कार्यक्रमस्य अवसरः प्राप्ते उभयोः योजनयोः आवेदनपत्रे अपि सार्वजनिकरूपेण प्रकाशयिष्यति।
-----------
Hindusthan Samachar / Dheeraj Maithani