राञ्ची, ०६ अगस्तमासः (हि.स.)। झारखण्ड-लोक-क्रान्तिकारी-मोर्चा इत्यस्य वरिष्ठ-उपाध्यक्षः छात्रनेता च देवेन्द्रनाथ-महतो इत्यस्य आमरणा-नशनस्य समाप्तेः विषये प्रसार्यमाणाः समाचाराः सामाजिक-कार्यकर्त्रा सोनम् वाङ्चुकेन भ्रामकाः इति उक्ताः। तेन स्पष्टतया उक्तं यत् देवेन्द्रनाथ-महतो स्वीयम् आमरणानशनं न समाप्तवान्, सः केवलं लवणयुक्तं जलं पिबति।

देवेन्द्रनाथ-महतो-पक्षतः गुरुवासरे प्रकाशितस्य वक्तव्यस्यानुसारेण दृश्य-दूरभाष-सम्भाषणस्य समये सोनम् वाङ्चुकः तस्य स्वास्थ्यस्थितिं दृष्ट्वा लवणयुक्तं जलं पातुं परामर्शम् अयच्छत्। तदनन्तरं केषुचित् माध्यमेषु आमरणानशनस्य समाप्तेः समाचाराः प्रसारिताः, येषां विषये वाङ्चुकेन असहमतिः व्यक्ता।

सोनम् वाङ्चुकः स्वस्य आधिकारिक-सामाजिक-माध्यम-लेखे प्रकाशितेन सन्देशेन उक्तवान् यत् देवेन्द्रनाथ-महतो गतपञ्चदिनात् निरन्तरं अनशने स्थितः अस्ति। तेन उक्तं यत् महतो अन्नं न गृहीतवान् तथा च तस्य आमरणानशनं यथावत् प्रवर्तते। तेन सह छात्राणां याचनानां विषये सरकारेण गम्भीरतया विचारः कर्तव्यः तथा शीघ्रं सकारात्मकः उपक्रमः करणीयः इति अपि आग्रहः कृतः।

अपरतः देवेन्द्रनाथ-महतो उक्तवान् यत् जेपीएससी-जेएसएससी इत्यनया सह विविध-छात्र-याचनानां समर्थनार्थं प्रवर्तमानं सत्याग्रह-आन्दोलनं गुरुवासरे त्रयोदशे दिने प्रविष्टम्, तस्य अनिश्चित-कालीनं भूखहड़ताल-रूपम् आमरणानशनं च पञ्चमेऽहनि अपि निरन्तरं प्रवर्तते। छात्राणां याचनासु यावत् दृढनिर्णयः न क्रियते, तावत् तस्य शान्तिपूर्णः सत्याग्रहः आमरणानशनं च अविरतं भविष्यतः।

Hindusthan Samachar / Divya Ranjan