कोलकाता, ०६ अगस्तमासः (हि.स.)। स्वतन्त्रतादिवसस्य अवसरस्य निमित्तं पश्चिमबङ्गाल-सर्वकारः राज्यव्यापिनं ‘हर घर तिरङ्गा’ अभियानं प्रवर्तयिष्यति। मुख्यमन्त्री शुभेन्दु-अधिकारी गुरुवासरे नवान्न-भवने एतस्य घोषणां कृत्वा अवदत् यत् १० अगस्ततः समग्रे राज्ये एककाले अभियानम् आरभ्स्यते। अस्य अन्तर्गतं पञ्चायत-खण्ड-महकमा-जनपद-प्रशासनानां माध्यमेन ७० लक्षं राष्ट्रीयध्वजाः जनेभ्यः निःशुल्कं वितरिष्यन्ते।

मुख्यमन्त्री अवदत् यत् अभियानस्य उद्देश्यम् अधिकाधिकान् जनान् स्वतन्त्रतादिवसोत्सवेन सम्बद्धान् कर्तुं तथा प्रत्येकं गृहे त्रिरङ्गध्वजं आरोपयितुं प्रेरयितुम् अस्ति। एतदर्थं प्रशासनिकस्तरे व्यापकाः सज्जताः कृताः।

तेन सूचितं यत् ७ अगस्तमासे दक्षिण-कोलकातास्थे भवानीपुर-विधानसभाक्षेत्रे विशालः त्रिरङ्ग-शोभायात्रा आयोजिता भविष्यति। इयं शोभायात्रा निरीक्षण-भवनस्य पुरतः आरभ्य हाजरा-मोडपर्यन्तं गमिष्यति।

तदनन्तरं १० अगस्तमासे कोलकाता-नगरस्य श्यामविपणिस्थस्या: नेताजी-सुभाषचन्द्र-बोसस्य प्रतिमायाः समीपात् विशालः त्रिरङ्ग-पदयात्रा-कार्यक्रमः आरभ्स्यते, यस्मिन् प्रायः ५० सहस्रजनानां सहभागिता सम्भाव्यते।

मुख्यमन्त्री अवदत् यत् अभियानं केवलं त्रिरङ्गध्वज-वितरणपर्यन्तं सीमितं न भविष्यति। राज्यस्य शासकीय-भवनानि, ऐतिहासिक-स्मारकाणि, धरोहर-स्थलानि, विद्यालयाः, महाविद्यालयाः तथा अन्यानि शिक्षण-संस्थानानि त्रिरङ्गस्य त्रिभिः वर्णैः—केसरिया, श्वेतः, हरितश्च—विशेष-प्रकाशेन अलङ्करिष्यन्ते।

तेन राज्यवासिनः स्वतन्त्रतादिवसस्य अवसरः स्वस्वगृहेषु राष्ट्रीयध्वजम् आरोपयितुं तथा ‘हर घर तिरङ्गा’ अभियाने उत्साहेन भागं ग्रहीतुं आहूताः। मुख्यमन्त्री अवदत् यत् एतत् अभियानं राष्ट्रियैक्यस्य, देशभक्तेः तथा स्वतन्त्रतासेनानिन: प्रति सम्मानभावनायाः अधिकं सुदृढीकरणं करिष्यति।

Hindusthan Samachar / Divya Ranjan