मध्यप्रदेशस्य मुख्यमन्त्री डॉ. यादवः १९ सितम्बर् दिनाङ्के प्रदेशस्य मेधाविभ्यः विद्यार्थिभ्यः ई-स्कूटीं प्रदास्यति

मेरिट्-क्रमाङ्के आगतेभ्यः ७५०० अधिकविद्यार्थिभ्यः ई-स्कूट्यः प्रदास्यन्ते।

भोपालम्, १४ सितम्बरमासः (हि.स.)। मध्यप्रदेशस्य शासकीयेषु उच्चतरमाध्यमिकविद्यालयेषु द्वादशकक्षायां उत्कृष्टं प्रदर्शनं कृतवद्भ्यः विद्यार्थिभ्यः महत्त्वपूर्णा सौगात् प्राप्तुं गच्छति। मुख्यमन्त्री डॉ. मोहनयादवः १९ सितम्बर् दिनाङ्के ‘मुख्यमन्त्री स्कूटीयोजना’ इत्यस्य अन्तर्गतं मेधाविभ्यः विद्यार्थिभ्यः ई-स्कूटीनां वितरणं करिष्यति।

जनसम्पर्काधिकारी सुनीलवर्मा सोमवासरे सूचनां ददन् अवदत् यत् राज्यस्तरीयः स्कूटीवितरणकार्यक्रमः शासकीयसुभाष-उत्कृष्ट-उच्चतरमाध्यमिकविद्यालये शिवाजीनगरे, भोपालनगरे प्रातः १० वादनात् भविष्यति।

तेन उक्तं यत् मुख्यमन्त्रीस्कूटीयोजनायाः उद्देश्यं विद्यालयीयविद्यार्थिनः शैक्षणिकोपलब्धीनां प्राप्तये प्रोत्साहितुं वर्तते। योजनायाः लाभं प्राप्तुं विद्यार्थिना द्वादशकक्षायां प्रथमप्रयासे एव ७० प्रतिशताङ्कैः विद्यालये प्रथमस्थानं प्राप्तव्यम्। प्रदेशसर्वकारेण सञ्चाल्यमानायाः अस्याः योजनायाः लाभः विद्यालयशिक्षाविभागस्य जनजातीयकार्यविभागस्य च शासकीयेषु उच्चतरमाध्यमिकविद्यालयेषु नियमितविद्यार्थिरूपेण अध्ययनं कुर्वद्भ्यः विद्यार्थिभ्यः दीयते। योजनायां सर्वेषां संकायानां विद्यार्थिनः सम्मिलिताः सन्ति।

७५०० अधिकविद्यार्थिनः लाभान्विताः भविष्यन्ति

जनसम्पर्काधिकारिणः अनुसारं योजनायाः अन्तर्गतं २०२५–२६ इति शैक्षणिकसत्राय प्रदेशस्य ७५०० अधिकाः पात्रविद्यार्थिनः ई-स्कूटीलाभं प्राप्स्यन्ति।

अधुना पर्यन्तं २३००० अधिकविद्यार्थिनः लाभं प्राप्तवन्तः

मेधाविविद्यार्थिनः प्रोत्साहितुं प्रदेशसर्वकारेण सञ्चाल्यमानायाः अस्याः योजनायाः अन्तर्गतं अधुना पर्यन्तं प्रदेशस्य २३००० अधिकाः पात्रविद्यार्थिनः लाभान्विताः सन्ति। योजनायाः सञ्चालनाय अधुना पर्यन्तं प्रायः २४६ कोटिरूप्यकाणि व्ययितानि सन्ति।

मुख्यमन्त्रीस्कूटीयोजना मेधाविविद्यार्थिनां परिश्रमं उपलब्धिं च प्रोत्साहयन्ती तेषां अग्रिमशिक्षायै सुविधां प्रदातुं प्रदेशसर्वकारस्य महत्त्वपूर्णा पहलः अस्ति। शासकीयविद्यालयेषु अध्ययनं कुर्वतां विद्यार्थिनां उत्तमप्रदर्शनाय प्रोत्साहनेन शिक्षायाः प्रति तेषाम् उत्साहः वर्धते तथा उच्चशिक्षायां तेषां सहभागितां सुदृढां कर्तुं साहाय्यं भवति।

Hindusthan Samachar / Dheeraj Maithani