नवदिल्ली, १४ सेप्टेम्बरमासः (हि.स.)।

हिन्दीभाषायाः प्रयोगं प्रोत्साहयितुं राज्यसभासचिवालयस्य तत्वावधाने आयोजितस्य हिन्दी-पक्षमासस्य सोम-वासरे शुभारम्भः अभवत्। २८ सेप्टेम्बरपर्यन्तं चलिष्यमाणस्य हिन्दी-पक्षमासस्य शुभारम्भः हिन्दी-निबन्धलेखनस्य सामान्यहिन्दीज्ञानस्य च प्रतियोगिताभ्यां, हिन्दी-अनुवादस्य सामान्यहिन्दीज्ञानस्य च प्रतियोगिताभ्यां सह अभवत्। एतासु प्रतियोगितासु सचिवालयस्य अधिकारिभिः कर्मचारिभिश्च उत्साहपूर्वकं भागं गृहीतम् तथा हिन्दीभाषायां स्वकीयां रुचिम् अनुरागं च प्रदर्शितवन्तः।

पक्षमासस्य आगामीकार्यक्रमेषु सङ्गणके हिन्दी-टङ्कणप्रतियोगिता, सुलेखस्य शुद्धलेखनस्य च प्रतियोगिता, हिन्दी-वादविवादप्रतियोगिता तथा हिन्दी-काव्यप्रतियोगितायाः आयोजनं करिष्यते। एताभिः प्रतियोगिताभिः प्रतिभागिभ्यः हिन्दीभाषायाः विविधेषु आयामेषु स्वप्रतिभां प्रदर्शयितुं तथा राजभाषां हिन्दीभाषां प्रति स्वकीयसम्बद्धतां प्रकटयितुं च अवसरः प्राप्स्यते।

अस्मिन् अवसरे संयुक्तसचिवः (सम्पादनम् अनुवादश्च) महेन्द्रसिंहः सचिवालयस्य कार्यालयीयकार्येषु हिन्दीभाषायाः प्रयोगे वर्धमानं प्रवृत्तिं प्रशंसन् अवदत् यत् हिन्दी-पक्षमासः केवलं प्रतियोगितानाम् आयोजनपर्यन्तं सीमितः नास्ति, अपितु कार्यालयीयकार्येषु हिन्दीभाषायाः अधिकाधिकप्रयोगाय अनुकूल-वातावरणस्य निर्माणस्य महत्त्वपूर्णः अवसरः अस्ति।

सः सचिवालयस्य अधिकारिणः कर्मचारिणश्च आहूतवान् यत् ते हिन्दी-पक्षमासस्य अन्तर्गतं आयोजितासु विविधासु प्रतियोगितासु अधिकाधिक-संख्यया भागं गृहीत्वा हिन्दीभाषायां स्वकीयम् अनुरागं राजभाषां प्रति स्वसम्मानं च प्रकटयन्तु। हिन्दी-पक्षमासस्य समापनं पुरस्कारवितरण-समारोहेण राज्यसभासचिवालयस्य वार्षिक्याः गृहपत्रिकायाः ‘नूतनप्रतिबिम्ब’ इत्यस्य एकविंशतितमाङ्कस्य लोका-र्पणेन च सह भविष्यति।

Hindusthan Samachar / Divya Ranjan