देहरादूनम्, १४ सेप्टेम्बरमासः (हि.स.)। वीरमाधोसिंहभण्डारी-उत्तराखण्ड-प्रौद्योगिकीविश्वविद्यालयेन आयोजिते “विज्ञानसेतु–कनेक्टिंग स्टूडेन्ट्स” इति कार्यक्रमे “युवसु वैज्ञानिकदृष्टिकोणस्य विकासः तथा च स्टेम-शिक्षायाः प्रोत्साहनम्” इति विषये विचाराः प्रस्तुताः।

कार्यक्रमस्य मुख्यातिथिः मन्त्रिमण्डलस्य मन्त्री डॉ. धनसिंहरावतः अवदत् यत् विज्ञानप्रौद्योगिक्याः क्षेत्रे तीव्रगत्या जायमानेषु परिवर्तनेषु युवभिः वैज्ञानिक-दृष्टिकोणेन सह अग्रे वर्धितव्यम्। सः विद्यार्थिभ्यः विज्ञानसेतुसदृशेषु कार्यक्रमेषु अधिकाधिकं सहभागितां कर्तुम् आह्वानं कृतवान्। डॉ. रावतः अवदत् यत् विकसितभारत-२०४७स्य सङ्कल्पं साकारं कर्तुं यूनां सक्रियभूमिका महत्त्वपूर्णा अस्ति।

डॉ. रावतः नशामुक्तयून: जागरूकसमाजं च विकसितभारतस्य आधारशिलां वर्णयन् युवभ्यः राष्ट्रनिर्माणे सक्रिययोगदानं दातुम् आह्वानं कृतवान्। सः विद्यार्थी-विज्ञानान्दोलनस्य तथा विद्यार्थीविज्ञान-मन्थनस्य माध्यमेन वैज्ञानिकजिज्ञासायाः, प्रश्नकरणप्रवृत्तेः, भौतिकशास्त्र-ओलम्पियाड इत्यस्य, प्रयोगात्मकशिक्षायाः तथा व्यावहारिक-अधिगमस्य च महत्त्वे स्वविचारान् प्रस्तुतवान्। तेन नशामुक्तेः विकसित-भारतस्य सङ्कल्पस्य च शपथः अपि कारित:।

कार्यक्रमे वक्तारः विद्यार्थिभ्यः मूलभूतविज्ञानस्य अवगमनं विकसितुं तथा विज्ञानं वृत्तिरूपेण स्वीकरोतुं प्रेरणां दत्तवन्तः। हिमालयीयपारिस्थितिकी-तन्त्रस्य, विज्ञानप्रौद्योगिक्योः क्षेत्रे उपलब्धानां वृत्त्यवसराणां तथा उत्तराखण्डे वैज्ञानिक-प्राविधिकसंस्थानानां भूमिकायाः विषये अपि प्रकाशः प्रकाशितः।

अस्मिन् अवसरे प्राविधिकी-विश्वविद्यालयस्य कुलपतिः प्रो. (डॉ.) तृप्ताठाकुरः विकसित-भारत-२०४७स्य लक्ष्ये विज्ञानस्य, प्रौद्योगिक्याः कौशलविकासस्य च भूमिकां प्रकाशयन्ती विद्यार्थिभ्यः प्राविधिकी-कौशलाधारितासु गतिविधिषु सक्रियसह-भागितायै प्रेरणां दत्तवती।

कार्यक्रमे इण्डियास्मार्टग्रिडफोरमस्य तथा वीरमाधोसिंहभण्डारी-उत्तराखण्ड-प्रौद्योगिकीविश्वविद्यालयस्य मध्ये सन्धि-ज्ञापनपत्रे हस्ताक्षराणि अपि कृतानि। समझौतस्य उद्देश्यं प्रौद्योगिक्याः, नवाचारस्य तथा भविष्यस्य प्राविधिका-वश्यकताभिः सम्बद्धेषु क्षेत्रेषु उभयोः संस्थानयोः मध्ये सहयोगं सुदृढं कर्तुम् अस्ति। अनेन विद्यार्थिभ्यः उद्भवमानप्रौद्योगिकीनां, नवाचारस्य तथा व्यावहारिकप्राविधिकज्ञानस्य क्षेत्रेषु नूतनान् अवसरान् प्राप्स्यन्ति।

कार्यक्रमे प्रो. दुर्गेशपन्तः, महानिदेशकः, यूकॉस्ट; डॉ. डी.पी. उनियालः, संयुक्त-निदेशकः, यूकॉस्ट; डॉ. रेजीकुमारपिल्लैः, अध्यक्षः, आईएसजीएफ; डॉ. शिवकुमारशर्मा इत्यादयः उपस्थिताः आसन्।

Hindusthan Samachar / Divya Ranjan