नव दिल्ली, 15 सितंबरमासः (हि.स.)।

ग्रामीणपरिवारेभ्यः पेन्शन-निवृत्तिसुरक्षयोः सूचनां प्रापयितुं ग्रामीणविकासविभागेन पेंशननिधि-विनियामक-विकासप्राधिकरणेन च सहमतिपत्रे हस्ताक्षरिते

ग्रामीणपरिवारेभ्यः पेन्शनस्य निवृत्तिसुरक्षायाश्च विषये सूचनां प्रापयितुं ग्रामीणविकासविभागेन पेंशननिधि-विनियामक-विकासप्राधिकरणेन (पीएफआरडीए) च सहमतिपत्रे हस्ताक्षरिते स्तः। अस्य अन्तर्गतं सम्पूर्णदेशे ‘पेंशन-सखी’-जालस्य विकासः करिष्यते।

ग्रामीणविकास-मन्त्रालयानुसारं ग्रामीणविकास-विभागस्य संयुक्तसचिवेन अमितशुक्लेन पीएफआरडीए-संस्थायाः कार्यकारीनिदेशिकया सुमीतकौरकपूरेण च ग्रामीणविकाससचिवस्य रोहितकंसलस्य उपस्थितौ अस्मिन् समझौतापत्रे हस्ताक्षरिते। अस्याः पहलस्य अन्तर्गतं दीनदयाल-अन्त्योदय-योजना-राष्ट्रीय-ग्रामीण-जीविकोपार्जन-मिशनस्य (डीएवाई-एनआरएलएम) स्वयंसहायतासमूहानां, बैंकिङ्ग-संवाददाता-सखीनां, अन्येषां प्रशिक्षितानां सामुदायिककार्यकर्तॄणां च साहाय्येन पेन्शनसम्बद्धाः सूचनाः ग्रामे ग्रामे प्रापयिष्यन्ते।

मन्त्रालयेन कथितं यत् पेंशन-सख्यः ग्रामीणमहिलाभ्यः, स्वयंसहायतासमूहानां सदस्येभ्यः, लखपति-दीदीभ्यः, अन्येभ्यश्च ग्रामीणपरिवारेभ्यः पेन्शन-योजनानां, निवृत्तियोजनायाः, नामाङ्कनप्रक्रियायाः, सम्बद्धसेवानां च विषये सूचनां प्रदास्यन्ति।

अस्मिन् अवसरे ग्रामीणविकाससचिवेन रोहितकंसलेन उक्तं यत् सामाजिकसुरक्षा केवलं जोखिमेभ्यः संरक्षणस्य साधनं नास्ति, अपितु सा परिवारेभ्यः आर्थिकरूपेण अग्रे वर्धितुं आत्मविश्वासमपि प्रददाति। तेन उक्तं यत् ग्रामीणनागरिकेभ्यः स्पष्टा पारदर्शिनी च सूचना प्राप्तव्या, येन ते दीर्घकालिकवित्तीयसुरक्षायाः विषये सम्यक् निर्णयं कर्तुं शक्नुयुः।

पीएफआरडीए-पक्षतः ममता-शङ्करेण उक्तं यत् वर्धमानां जीवनप्रत्याशां परिवर्तमानं जनसांख्यिकीयं परिदृश्यं च दृष्ट्वा निवृत्तियोजनायाः महत्त्वं वर्धितम् अस्ति। तया आशा व्यक्ता यत् एषा पहल राष्ट्रिय-पेन्शन-प्रणालीम् (एनपीएस) सहितानां विविध-पेन्शन-उत्पादानां प्रति ग्रामीणक्षेत्रेषु जागरूकतां वर्धिष्यति।

मन्त्रालयानुसारम् अस्य कार्यक्रमस्य निरीक्षणं डिजिटल-पटलस्य, चलदूरवाणी-आधारितानां जालाधारितानां च प्रणालीनां माध्यमेन करिष्यते। अस्य कृते ग्रामीणविकासविभागस्य ‘लोकोस्’-प्रणाल्याः अपि उपयोगः करिष्यते।

---------------

Hindusthan Samachar / Dheeraj Maithani