नवदिल्ली, १५ सितम्बर (हि.स.)। वैज्ञानिक-औद्योगिक-अनुसन्धान-परिषदः राष्ट्रिय-विज्ञान-सञ्चार-नीति-अनुसन्धान-संस्थानेन (सीएसआईआर-निस्पर्) वैज्ञानिकानुसन्धानं सामान्यजनानां समीपं सरलरीत्या प्रापयितुं सारल-एआई-इत्यस्य उपयोगः प्रारब्धः। अस्य अन्तर्गतं संस्थानं स्वस्य शोधपत्रिकासु प्रकाशितान् अनुसन्धानलेखान् दृश्यमाध्यमेन प्रस्तुतं करिष्यति।

विज्ञान-प्रौद्योगिकी-मन्त्रालयानुसारम्, एषा पहल उद्भाव्यमानानां प्रौद्योगिकीनां माध्यमेन विज्ञानसञ्चारं सुदृढं कर्तुं दिशि कृतं महत्त्वपूर्णं पदम् अस्ति। सारल-एआई अनुसन्धाने राष्ट्रिय-अनुसन्धान-प्रतिष्ठानस्य (एएनआरएफ) पहल अस्ति, यस्य साहाय्येन अनुसन्धानपत्राणि आकर्षकरूपेण सुबोध्येषु दृश्यकलेषु परिवर्तयितुं शक्यन्ते।

सीएसआईआर-निस्पर्-संस्थायाः निदेशकायाः डॉ. गीतावाणी-रायसम्-महोदयायाः नेतृत्वे संस्थानं विज्ञानसञ्चाराय नूतनानां प्रौद्योगिकीनां डिजिटल-मञ्चानां च उपयोगं वर्धयति। अस्यैव क्रमेण अद्यतनकाले सारल-एआई-विषये एकः कार्यशाला आयोजितः, यस्मिन् नवत्यधिकाः प्रतिभागिनः, अनुसन्धानकर्तारः सम्पादकाश्च भागं गृहीतवन्तः।

डॉ. गीतावाणी-रायसम्-महोदयया उक्तं यत् वैज्ञानिकज्ञानस्य महत्त्वं तदा अधिकं वर्धते, यदा तत् अनुसन्धानसमुदायात् बहिरपि जनानां समीपं प्राप्यते। सारल-एआई-सदृशानां प्रौद्योगिकीनां माध्यमेन भारतीयानुसन्धानं अधिकाधिकजनानां समीपं प्रापयितुं प्रयत्नः क्रियते।

मन्त्रालयेन कथितं यत् एएनआरएफ-संस्थायाः मुख्यकार्यकारी-अधिकारी डॉ. शिवकुमार-कल्याणरमणेण अपि संस्थानं जटिलवैज्ञानिकानुसन्धानं सरलरूपेण सामान्यजनानां समीपं प्रापयितुं सारल-एआई-इत्यस्य उपयोगं वर्धयितुं प्रोत्साहितम्।

अस्य प्रयत्नस्य उद्देश्यं विशेषतः छात्राणां सामान्यजनानां च कृते वैज्ञानिकानुसन्धानं ज्ञातुं, अन्वेष्टुं, सहकर्तुं च सुकरं कर्तुम् अस्ति। निर्मितानि दृश्यकानि यूट्यूब्-सूचिकायाः माध्यमेन उपलब्धानि क्रियन्ते, येन अनुसन्धानपत्रेभ्यः अतिरिक्तं डिजिटल-माध्यमेन अपि वैज्ञानिकसूचना जनानां समीपं प्राप्नुयात्।

Hindusthan Samachar / Dheeraj Maithani