विजन-आइ-केयर-केन्द्रेण ग्रामः स्वीकृतः, पात्रजनानां गृहं गृहं गत्वा निर्मास्यन्ते आयुष्मानपत्राणि

औरैया, १७ सेप्टेम्बरमासः (हि.स.)। उत्तरप्रदेशस्य औरैयाजनपदे ग्रामीणानां कृते उत्तमस्वास्थ्यसुविधाः उपलब्धाः कर्तुं विजन-आइ-केयर-सेन्टर-फफून्द-संस्थानेन प्रशंसनीय: प्रयत्न: कृत: अस्ति। राज्य-समग्रस्वास्थ्य-समन्वित-सेवासंस्थायाः निर्देशानुसारं नेत्रचिकित्सा-संस्थानेन क्षेत्रस्य सरायबिहारीदासग्रामः स्वीकृतः अस्ति। संस्थानस्य उद्देश्यं ग्रामस्य सर्वेषां पात्रनागरिकाणाम् आयुष्मान-भारतपत्राणि निर्माप्य तान् सर्वकारीयायाः निःशुल्कचिकित्सायोजनायाः लाभेन योजयितुम् अस्ति।

चिकित्सालयसञ्चालकेन डॉ. शादाब-मुईनेन उक्तं यत् शासनस्य निर्देशानुसारम् प्रत्येकम् आयुष्मान-सम्बद्धस्य निजी-चिकित्सालयस्य कृते एकः ग्रामः स्वीकृत्य तत्र शतप्रतिशत-पात्रलाभार्थिनां आयुष्मानपत्रनिर्माणस्य लक्ष्यं निर्धारितम् अस्ति। अस्यैव क्रमे विजन-आइ-केयर-केन्द्रेण सरायबिहारीदासग्रामस्य चयनं कृतम् अस्ति।

तेन उक्तं यत् अभियानस्य अन्तर्गतम् चिकित्सालयस्य विशेषदलानि ग्रामे जनचौपालानाम् आयोजनं करिष्यन्ति। तानि गृहं गृहं गत्वा पात्रपरिवाराणां विवरणं सङ्ग्रहीष्यन्ति। येषां जनानाम् अद्यावधि आयुष्मानपत्राणि न निर्मितानि, तेषां पत्रनिर्माणे दलानि सहयोगं करिष्यन्ति। ग्रामीणानां कृते योजनायाः लाभस्य पात्रतायाश्च विषये अपि सूचना प्रदास्यते।

डॉ. शादाबमुईनेन उक्तं यत् संस्थानस्य उद्देश्यं केवलम् आयुष्मानपत्रनिर्माणं न, अपितु ग्रामीणक्षेत्रस्य अन्तिमजनपर्यन्तं उत्तमाः आधुनिकाः च स्वास्थ्यसुविधाः प्रापयितुम् अपि अस्ति। अभियानस्य समये ग्रामवासिनां निःशुल्कनेत्रपरीक्षणमपि करिष्यते। मोतियाबिन्दुसहितानां नेत्र-सम्बद्धानां रोगाणां निदानं कृत्वा पात्ररोगिभ्यः आयुष्मानयोजनायाः अन्तर्गतं नगदरहितचिकित्सासुविधां प्रदातुं प्रयासः करिष्यते।

चिकित्सालयस्य अस्य प्रयत्नस्य फलतः सरायबिहारीदासस्य पात्रपरिवाराः आयु-ष्मानभारतयोजनायाः अन्तर्गतं प्रति-परिवारं पञ्चलक्षरूप्यकाणि यावत् चिकित्सा-कवरस्य लाभं प्राप्तुं शक्नुवन्ति। ग्रामीणैः विजन-आइ-केयर-केन्द्रस्य अस्य प्रयत्नस्य स्वागतं कृत्वा ताम् स्वास्थ्यसुविधाविस्तारस्य दिशि महत्त्वपूर्णं पदक्षेपम् इति वर्णितम्।

--------------------------------------------

Hindusthan Samachar / Divya Ranjan